Հայտնի բարձրաշխարհիկ կին Քիմ Քարդաշյանն իր էջում տեղադրել է մանկության տարիների ամանորյա լուսանկարները։ Քիմը պատմել է, թե ո՞վ է եղել իր Սանտա Կլաուսը։ 
«Այս Սանտան հայրս է։ Նա հեռանում էր երեկոյից, փոխում հագուստն ու նորից վերադառնում էր։ Բոլորս կարծում էինք, թե նա Սանտա Կլաուսն է, ով իր սահնակը դրսում է թողել։ Ես միշտ խնդրում էի, որ նա ինձ ծանոթացնի իր եղջերուների հետ։ Հետո նա բարձրանում էր վերեւ ու վերադառնում արդեն իր հագուստով։ Այդ տարիներին մենք ոչինչ գլխի չէինք ընկնում», - գրել է Քիմն իր լուսանկարի տակ։

Քիմ Քարդաշյանն իր կայքում ավելի վաղ էլ էր հրապարակել իր մանկական լուսանկարները։ Ահա թե ինչպիսի աղջնակ է նա եղել.

Հիշեցնենք, որ բարձրաշխարհիկ կնոջ հայրը, Ռոբերտ Քարդաշյանը, կերակրափողի քաղցկեղից մահացել է 2003 թվականի սեպտեմբերի 30-ին։ Նա հայտնի իրավաբան էր, ֆուտբոլիստ Օ. Ջեյ Սիմփսոնի փաստաբանը Նիկոլ Սիմփսոնի եւ նրա սիրեկան Ռոնալդ Գոլդմանի սպանության աղմկոտ գործում։ Սիմփսոնին սպանության մեջ մեղադրելու պահին Ռոբերտ Քարդաշյանի փաստաբանական լիազորագիրը երեք տարի ժամկետանց էր։ Այնուամենայնիվ, Քարդաշյանն այն վերականգնեց՝ գործով աշխատանքներում ներգրավվելու համար եւ դարձավ ֆուտբոլիստի գլխավոր փաստաբանը։

Օ. Ջեյ Սիմփսոնը Ոստիկանությունից թաքնվելու ընթացքում ապրում էր Քարդաշյանների տանը։

NEWS.am