Հետաքրքիր Փաստեր Կիրակի, 15.09.2019, 08:36
Приветствую Вас Гость | RSS
Меню сайта

Հետաքրքիր Փաստեր

12-ամյա երեխան անգիր արտասանել է Ղուրանը 12 ժամում

Ուշաթափվել է` ճանաչելով կնոջը պոռնոֆիլմում

[Անիմացիա]
Սեղմիր Класс

Հայաստանցիները տպավորիչ արդյունքներ են գրանցում պոռնոկայքեր այցելելով

Իսպանիա-Իտալիա՝ հուլիսի 1-ին

Գաղտնիքներ պահելը ֆիզիկապես ծանր է

Ռիհաննան իրեն համասեռամոլ է հայտարարել/տեսանյութ, լուսանկարներ/

Հոլիվուդյան աստղ Մեգան Ֆոկսը երկրպագուներին ուրախացրել է` համացանցում տեղադրելով երիտասարդ տարիների լուսանկարները: Նա խոստովանել է` դեռահաս

иди на ….. . Վահրամ Սահակյանը հայհոյեց

“Ուրոլոգ”-ը չպետք է թարգմանվի “միզաբան”, իսկ “սեքս”-ը` “հաճույքաճխտիք”

Չինաստանում 6.2 կգ-անոց երեխա է ծնվել

Տղամարդու մարմնի ամենազգայուն կետը

Սոբչակին ազատել են աշխատանքից` առանց պատճառաբանության

Ինչպե՞ս խուսափել միայնակությունից

Սեւանա լճում 16-ամյա տղա է խեղդվել

Սոցկայքերում շփվելն ավելի լավ է, քան սե՞քսը

Սկեսրայրը սպանել է հարսին, հետո ինքն իրեն

Պետերբուրգը վախենում է մերկ Մադոննայից

Ինչպես իմանալ, որ դավաճում է. 5 նախանշաններ

Поиск

Главная » 2013 » Март » 24 » Որակյալ սեքս, սեքսուալ խանգարումների պրոֆիլակտիկա. խորհուրդներ մասնագետից
14:59
Որակյալ սեքս, սեքսուալ խանգարումների պրոֆիլակտիկա. խորհուրդներ մասնագետից
Առողջ և որակյալ սեռական հարաբերությունները կարող են հեքիաթի վերածել յուրաքանչյուր զույգի կյանքը, սակայն այսօր սակավ չեն դեպքերը, երբ զույգը երջանիկ չէ կնոջ կամ տղամարդու մոտ սեքսուալ խանգարումների պատճառով:  Հայ ընտանիքներում սովորաբար յուրաքանչյուր խնդիր, որ վերաբերում է սեռական կյանքին, սեքսուալ առողջությանը, ներդաշնակ հարաբերություններին, կապվում է կնոջ հետ:

Այս թյուր ըմբռնումը մշտապես  հերքվել է սեքսոպաթոլոգների կողմից, որոնք միաբերան նշում են, որ զույգի սեռական կյանքի որակը հավասարաչափ կախված է թե տղամարդուց, թե կնոջից: Սեքսուալ դիսֆունկցիա կարող է ունենալ մեզնից յուրաքանչյուրը` անկախ տարիքից, սեռից, սոցիալական շերտից: Այս կարևոր խնդրի մասին LADYNEWS.am-ին պարզաբանումներ տվեց Երևան քաղաքի գլխավոր սեքսոպաթոլոգ Կարեն Թոփչյանը:Թոփչյան Կարեն Ալբերտի

Նախ՝ այն մասին, թե ինչ է սեռական դիսֆունկցիան.  «Սեքսուալությունը ֆիզիկական, հուզական, հոգեբանական գործողությունների և ազդեցությունների ուղղվածություն է, որը հետապնդում է ստանալ սեռական հաճույք և բնորոշվում է նաև հաճույք ստանալու հաճախականության մղումով: Մարդու սեռական ֆունկցիան բաժանում ենք 2 մասի' ռեկրեատիվ' սեռական հաճույքի ապահովումը, և պրոկրեատիվ' սերնդի շարունակման ֆունկցիաները: Եթե խոսենք ռեկրեատիվ դիսֆունկցիայի մասին, պետք է նշել, որ տղամարդու և կնոջ սեքսուալ խանգարումներն այլ են, դրանք շաղկապված են բոլորովին տարբեր խնդիրների հետ»:  

Ի հակադրություն մեր մեջ կարծրացած այն մոտեցմանը, որ կնոջ սեքսուալ դիսֆունկցիան գրեթե միշտ կապված է հեշտանքի և դրա բացակայության հետ, սեքսոպաթոլոգը նշեց, որ կանանց սեռական դիսֆունկցիան կարող է կապված լինել նաև բարոյահոգեբանական խնդիրների հետ, որոնք կարող են առաջանալ մինչամուսնական շրջանում' ոչ պատշաճ սեռական դաստիարակության ունենալու պատճառով: «Շատ կարևոր խնդիր է մարմնասեռական և հոգեսեռական զարգացումը, որոնք պետք է ներդաշնակ լինեն մինչ առաջին սեռական հարաբերությունը: Լինում են դեպքեր, երբ 24- ամյա աղջիկն ամուսնանում է, բայց հոգեսեռական զարգացածությունը գտնվում է դեռ 11 տարեկան երեխայի հասունացման աստիճանին, կամ մարմնասեռապես 24 տարեկան կինը կարող է լինել 14 տարեկան աղջկա մարմնասեռական հասունացման աստիճանին. նույնիսկ չգիտի իր սեռական օրգանները, ոչ տեսել է հայելու մեջ, ոչ շոշափել է, վախենում է դիպչել, ոչ գրքերի մեջ է նայել… Այսպիսի կանայք, որպես կանոն, ունենում են սեռական դիսֆունկցիա»:   Սեքսոպաթոլոգի խոսքով՝ կանանց սեքսուալ դիսֆունկցիան հիմնականում կապված է սեռական ցանկության կորստի կամ բարձր սեռական պահանջի, սեռական ֆունկցիայի հանդեպ բացարձակ ձգտում չունենալու (նույնիսկ զզվածության աստիճանի), սեռական ակտի ժամանակ ուժեղ ցավեր ունենալու և հեշտանքի խախտումների հետ:

«Սրանք հիմնական խնդիրներն են, սակայն հաճախ դիմում են նաև վագինիզմի պատճառով, երբ կինը վախենում է սեռական հարաբերություններից: Լինում են զույգեր, որոնք տարիներ շարունակ ամուսնացած են , բայց սեռական կյանքով չեն ապրում, քանի որ կինը վախենում է սեռական հարաբերություններից: Սա վիրգոգամիա է կոչվում' կույս ամուսնություն: Դիմում են նաև սեռավարակային շեղման դեպքում»:  

Մարմնասեռական զարգացումից անմիջապես հետո տղամարդը կարող է հենց առաջին սեռական հարաբերությունից մաքսիմալ հաճույք ստանալ, հեշտանք ապրել, անգամ եթե դա լինի մաստուրբացիոն ակտ, այսինքն' ինքնաբավարարում: Կնոջ մոտ սեքսուալությունն առաջանում է որոշակի սեռական փորձ ձեռք բերելուց հետո: Ի տարբերություն տղամարդկանց, որոնց սեռական ֆունկցիան ի սկզբանե որոշակիորեն ծրագրված է, կնոջ սեքսուալությունը կախված է մերձեցումների քանակից, զույգի սեռական ներդաշնակությունից: «Եթե, օրինակ, վերցնենք սեռական ներդաշնակության ֆիզիոլոգիական գործոնները, այստեղ կարող են խնդիրներ լինել սեռական օրգանների անատոմիկ չափսերի անհամապատասխանության, ֆունկցիոնալ պարամետրերի խախտումների: Ենթադրենք՝ տղամարդը վաղաժամ սերմնաժայթքում ունի, իսկ տվյալ կնոջ սեքսուալությունն արթնացնելու համար նրան որոշակի ժամանակ և ճիշտ մոտեցում է պահանջվում. այս զույգը չի կարող ներդաշնակ սեռական կյանք ունենալ: Տղամարդը մեծ դերակատարում ունի կնոջ սեքսուալության դրսևորման, զարգացման հարցում»:

Ինչպես ասում է բժիշկը, թե տղամարդկանց և թե կանանց սեքսուալությունն ունի ուժգնության 3 աստիճան' թույլ, միջին և ուժեղ: Եթե ուժեղ սեքսուալություն ունեցող կինը մերձենա միջին կամ անգամ թույլ սեքսուալություն ունեցող տղամարդու հետ, անգամ թույլ հպումից կարող է հեշտանք, բավարարության զգացում ունենալ: Եթե թույլ սեքսուալություն ունեցող կին է, նրան պետք է երկարաժամկետ սեռական ակտ, իսկ տղամարդը վաղաժամ սերմնաժայթքում է ունենում. այս դեպքում զույգը սեռապես անհամատեղելի է: Լինում են նաև դեպքեր, երբ տղամարդու սեքսուալ դիսֆունկցիան' տվյալ դեպքում վաղաժամ սերմնաժայթքումը, բնավ չի խանգարում հաճելի սեռական ակտի ընթացքին, քանի որ կինը ևս շուտ է բավարարվում, ունի ուժեղ սեքսուալության մակարդակ:

«Կնոջ սեքսուալությունն իհարկե անդրադառնում է տղամարդու սեքսուալ ֆունկցիայի վրա: Եթե կնոջ մոտ բացակայում է սեքսուալ նախաձեռնությունը, ստեղծագործ մոտեցումը սեռական կյանքի հանդեպ, ապա ամենաառողջ տղամարդու մոտ անգամ որոշ ժամանակ հետո կիրքի խամրում է սկսվում: Կանայք մտածում են, թե տղամարդիկ միշտ կարող են բավարարել իրենց սեռական ցանկությունները, մեխանիզմի պես միշտ պատրաստ սեռական հարաբերության մեջ մտնել, բայց դա թյուր կարծիք է: Միապաղաղ սեռական կյանքն ամենաուժեղ սեքսուալություն ունեցող տղամարդու մոտ անգամ սեռական դիսֆունկցիա կարող է առաջացնել: Այստեղ կարևոր է, որ կանայք հետաքրքրություն մտցնեն սեռական հարաբերությունների մեջ, կարողանան չսահմանափակել իրենց զուգընկերոջ ցանկությունները, ազատակամ լինեն սեքսի մեջ, վերացնեն տաբուները: Կնոջ սեքսուալության դրսևորումը նոր հնարավորություններ է ստեղծում տղամարդու սեռական ֆունկցիայի ուժգնացման համար»:

Սեքսոպաթոլոգի կարծիքով՝ տղամարդու սեքսուալ դիսֆունկցիայի պատճառ կարող է դառնալ կնոջ`հոգեսեռական զարգացածության ցածր մակարդակը, կնոջ մեղադրանքները, հոգեբանական ճնշումները զուգընկերոջ վրա:

«Տղամարդու ամենամեծ արժանապատվություններից մեկն իր սեքսուալությունն է: Եթե կինը դիպչում է տղամարդու համար այդքան արժեքավոր կետին, դա կարող է մեծ վիրավորանք լինել նրա համար: Երբեք պետք չէ ասել, թե քո առնանդամը փոքր է, քո սերմնաժայթքումը վաղաժամ է, էրեկցիադ լիարժեք չէ: Տղամարդն այլևս ցանկություն չի ունենա տվյալ կնոջ հետ սեռական հարաբերությունների մեջ մտնել: Այ հենց այսպիսի դեպքերում է, երբ տղամարդը փնտրում է մի 3-րդ անձի, ով ի հակադրություն իր կնոջը, սիրում է նրան, գովաբանում, հաճելի խոսքեր ասում և այլն: Սակայն այս հարցը միակողմանի չէ, և շատ հաճախ սեռական կյանքի խանգարման համար մեղավոր են տղամարդիկ, ովքեր քիչ ուշադրություն են դարձնում նախնական գուրգուրանքին, մեղմ չեմ զուգընկերուհու հետ, կոպիտ են և պարտադրող սեքսում: Լինում է նաև, որ տղամարդիկ թույլ չեն տալիս իրենց կանանց հետ զբաղվել այնպիսի սեքսով, ինչպես կզբաղվեին, օրինակ, սիրուհու հետ»:

Սեռական տաբուները նույնպես կարող են հանգեցնել սեքսուալ դիսֆունկցիայի: Հայ ընտանիքներում սեռական տաբուները սովորականից շատ են:  «Համատարած ինֆորմացիայի մեջ անգամ շատերը չգիտեն տարրական բաներ, օրինակ՝ չգիտեն զուգընկերոջ էրոգեն գոտիների մասին: Լինում են դեպքեր, երբ զույգը դիմում է` սեռական կյանքի ոչ լիարժեքության գանգատով, իսկ երբ հարցնում ես, թե ինչ դիրքերով եք դուք սեքսով զբաղվում, զարմացած հարցնում են, թե բացի ավանդական դիրքից, էլ ինչպես կարող է լինել, կամ բացի շուրթերից էլ որտեղ պետք է համբուրել»:

Բժիշկը խորհուրդ է տալիս զույգերին զրուցել միասին սեքսուալ ցանկությունների, պատկերացումների մասին: Սա կօգնի հետզհետե արթնացնել երկկողմանի սեքսուալությունը, առողջ և ցանկալի  սեռական հարաբերություններ ունենալ: «Տղամարդկանց սեքսուալ խանգարումների պորֆիլակտիկայի հարցում մեծ դեր ունեն կանայք: Հաճախ մենք ինքներս զրուցում ենք մեզ դիմած տղամարդկանց կանանց հետ, խորհուրդներ տալիս, թե ինչ փաղաքշանքներով, ինչ խոսքերով կարելի է ազդել տղամարդու սեքսուալ կարողության, ցանկության վրա: Կարելի է ոգևորել տղամարդուն ամենահասարակ խոսքերով, ասել, որ նա հիանալի բավարարում է ձեզ, որ ձեզ հաճելի է նրա հետ մերձեցումը, որ այս անգամ նրա էրեկցիան շատ  ուժեղ էր և այլն»: 

Կանանց սեքսուալ դիսֆունկցիան հաճախ կապում են հեշտանքի հետ: «Ի տարբերություն տղամարդկանց, կանայք միշտ չէ, որ սեռական հարաբերության արդյունքում հեշտանք են ապրում: Բացի դրանից` ինչքան կին, այնքան հեշտանքի ձև: Նրանցից յուրաքանչյուրը կարող է ամենատարբեր զգացողությունն ունենալ այդ պահին, երբ հաճույքի գատագաթնակետում է: Տղամարդու կոպտությունը հաճախ կարող է բերել կնոջ մոտ հեշտանքի բացակայության: Եթե կնոջ նպատակն ի սկզբանե հեշտանք ստանալն է,  ապա դրա բացակայությունը նրա մոտ լուրջ սեռական դիսֆունկցիայի կբերի: Լինում են նաև կանայք, ովքեր ի սկզբանե այդպիսի նպատակ չեն դնում, այլ ուզում են իրենց սիրելիի հետ համբուրվել, գուրգուրել, սեռական հարաբերության մեջ մտնել, ստանալ հաճույք, նրանք կարող են շատ ներդաշնակ սեռական կյանք ունենալ նաև առանց հեշտանքի:»

Անկողնում տարրական խնդիրներից խուսափելու համար հետևեք սեքսոպաթոլոգ Կարեն Թոփչյանի խորհուրդներին. «Ուզում եմ խորհուրդ տալ բոլոր կանանց չզբաղվել միապաղաղ սեքսով, լինել կոկետ, հետաքրքրասեր, սիրալիր, նոր երանգներ մտցնել սեռական հարաբերությունների մեջ: Իսկ տղամարդիկ թող ավելի ուշադիր լինեն կանանց հանդեպ, ուսումնասիրեն նրանց քմահաճույքները, հանդուրժեն դրանք: Ներդաշնական ամուսնական զույգ կարող է ստեղծվել երկկողմանի մեծ ցանկության և աշխատանքի դեպքում»:


Աղբյուր` LADYNEWS.am
Просмотров: 432 | Добавил: Stepan | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Նկարներ

Copyright MyCorp © 2019