Նյու Յորքը գլխավորում է ԱՄՆ-ի ամենաթանկ քաղաքների ցուցակը, հատկապես, երբ հերթը հասնում է առողջապահության ոլորտին: Քաղաքի հիվանդանոցի վերակենդանացման բաժանմունքում երեք օր անցկացնելու համար հիվանդները ստիպված են վճարել մինչև 64.000 դոլար: Մարդիկ, հաճախ, չեն գիտակցում, որ ԱՄՆ-ի տարբեր քաղաքներում հիվանդանոցներում գործում են տարբեր գներ:

Կալիֆոռնիայում կամ Ֆլորիդայում վերակենդանացման բաժանմունքում մնալու մեկ օրն արժե 8500 դոլար, իսկ Նյու Յորքում` 16.000 – 21.500 դոլար: Washington Post-ը հարցում է անցկացրել` պարզելու, թե որքան է տարբերությունը ԱՄՆ-ի տարբեր քաղաքների հիվանդանոցներում: Պարզվել է, որ նույնիսկ իրարից շատ քիչ հեռավորության վրա գտնվող հիվանդանոցներում գների միջև կարող է ահռելի տարբերություն լինել: Հարցումները ցույց են տվել, որ գների միջև կարող է 321% տարբերություն լինել: