Եթե դուք Ամանորին չարաշահել եք սննդի քանակը, ունեք ծանրության զգացում, վքնածություն, ապա այս խորհուրդները ձեզ օգտակար կլինեն: NEWS.am -ի թղթակցի հետ զրույցում  Հայկական դիետոլոգիական ասոցիացիայի նախագահ, դիետոլոգ Գայանե Ղազարյանը խորհուրդ է տալիս շատ պարել ու շարժվել, քանի որ ֆիզիկական ակտիվությունը խթանում է նյութափոխանակությունը, լավացնում մարսողությունը, միաժամանակ կծախսվեն ավելորդ կալորիաները:

«Եթե ստամոքսը ծանրաբեռնված է, խորհուրդ եմ տալիս դուրս գալ մաքուր օդի, քայլել, իսկ վերադառնալուն պես` խմել երիցուկով թեյ: Եթե դա էլ չօգնեց` խմել ֆեստալ, մեզիմ ֆորտե, կամ տաքացրած մինչեւ 30-35 աստիճան հանքային ջուր: Եթե հունվարի 1-ին արթնանալիս ծանրության զգացում ունեք, ապա խմեք մեծ քանակությամբ ջուր, կամ կանաչ թեյ` տոքսիններից ազատվելու համար»,- ասաց դիետոլոգը: