Հնդկաստանում ուսանողուհուն բռնաբարել են միանգամից մի քանի հոգի: Հանցագործները հարձակում են գործել նրա վրա հենց ավտոբուսում` վարորդի և սիրելիի աչքի առաջ,- հայտնում է BBC News-ը:

Բժշկական համալսարանի 23-ամյա ուսանողուհին ընկերոջ հետ ուշ երեկոյան տուն էր վերադառնում կինոյից: Ճանապարհին նրանց հանդիպել է մասնավոր ավտոբուս, որի վարորդը համաձայնել է տեղ հասցնել զույգին: Փաստը, որ ավտոբուսում կային կասկածելի արտաքինով մի քանի հոգի, զույգին չէր հուզում:

Քիչ անց անծանոթները սկսել են անհարգալից արտահայտություններ անել, ինչից հետո հերթականությամբ բռնի սեռական գործողություններ են կատարել երիտասարդ աղջկա նկատմամբ:

Բռնի գործողություններից հետո հանցագործները զույգին դուրս են նետել ավտոբուսից: Դեպքի վայր հասած շտապօգնության աշխատակիցները նրանց տեղափոխել են հիվանդանոց: Բժիշկների խոսքով` աղջիկը սեռական օրգանների ծանր վնասվածքներ է ստացել, ինչպես նաև գլխուղեղի վնասվածք` բութ գործիքով հարվածելու հետևանքով: Նրա վիճակը ծանր է:

mamul.am