Եթե ուժ չունեք անգամ առավոտյան անկողնուց վեր կենալու, ուշադրություն դարձրեք սննդակարգին,- ասում են մասնագետները ու ներկայացնում` որոնք են ''քնեցնող մթերքները'' (''sleepyfood''):

Հնդկահավի միս: Հնդկահավի միսն իր մեջ պարունակում է հատուկ սպիտակուցներ, որոնք հանգստացնող ազդեցություն են ունենում մարդու օրգանիզմի վրա: Իհարկե, հնդկահավի մսի մեկ բաժինը քնաբեր չի լինի, բայց դրա պարբերաբար օգտագործումը կիջեցնի աշխատունակությունը:

Շաքարավազ ու քաղցր մթերքներ: Դրանք արյան մեջ գլյուկոզայի պաշար են, որոնք հոգնեցնում են օրգանիզմը: Ահա թե ինչու են քաղցրակերները միշտ բողոքում հոգնածությունից: Անհրաժեշտ է մասամբ հրաժարվել սիրած կոնֆետներից ու գազավորված ըմպելիքներից:

Ալկոհոլային խմիչքների օգտագործումը ճնշում է նյարդային համակարգի ակտիվությունը: Ալկոհոլի օգտագործումից հետո օրգանիզմը դառնում է դանդաղկոտ, և թվում է` հիմա կննջեք:

Տապակած սնունդ: Այն, որպես կանոն, շատ երկար է մարսվում, բացի այդ, գրգռում է աղեստամոքսային տրակտը, ինչպես նաև բեռնում է օրգանիզմը վնասակար շատ նյութերով:

Մակարոնեղենն ու ալյուրով պատրաստված ուտելիքները նույնպես նպաստում են արյան մեջ գլյուկոզայի քանակի բարձրացմանը, ինչն էլ առաջացնում է հոգնածություն:

mamul.am