Հետաքրքիր Փաստեր Չորեքշաբթի, 25.06.2025, 11:10
Главная
Регистрация
Вход
Приветствую Вас Гость | RSS
Меню сайта

Հետաքրքիր Փաստեր

Որոնք են տղամարդկանց մոտ ամենատարածված սեքսուալ մոլորությունները

Որքա՞ն կարելի է դիմանալ առանց սեքսի

Այգեգործից պահանջել են ազատվել վիրավորական տեսք ունեցող թփից

25-ամյա հղի կնոջ եւ նրա նորածնի մահվան գործով ձերբակալվել, ապա` կալանավորվել է բժիշկ-անեսթեզիոլոգը

Միջոցներ աչքերի հոգնածության դեմ. վերականգնեք նրանց փայլը

Լոռու մարզում շոգեքարշը որդու աչքի առաջ անցել է մոր վրայով՝ երկու մասի բաժանելով նրա մարմինը

Կրեմլը ցանկանում է բարձրացնել հայաստանցիների թոշակները

«Եվրո-2012»-ի ամենագեղեցիկ երկրպագուն դեռ չի գտնվել (լուսանկարներ)

Սենսացիա. Ամերիկյան գիտնականները 8 դեպքերում ոչնչացրել են ՄԻԱՎ-ը մարդու օրգանիզմում

Երեք կնոջից մեկը կամ բռնաբարվել է կամ ծեծի ենթարկվել

Լեդի Գագան առանց կիսաշրջազգեստի (լուսանկարներ)

Իսրայելցի կին զինվորը նույնիսկ լողազգեստով պաշտպանում է հայրենիքը

Կնոջ ու նրա երեխայի մահվան համար մեղադրվող բժշկին ազատ արձակելու խնդրանքով դիմում են նախագահին

Բժիշկները շոգին հորդորում են խուսափել սեքսից

Ուսուցիչն արտասովոր լուծում է գտել երեխաների առաջադիմությունը բարձրացնելու համար

Հետաքրքիր փաստեր հեռախոսների մասին

Վայքի ծննդատան նորածնի մահվան փաստով հարուցված քրգործը կարճվել է. «Բուրդ չփխող» բժշկուհին անմեղ է

24-ամյա երիտասարդին կիսակառույցում կախված են գտել

иди на ….. . Վահրամ Սահակյանը հայհոյեց

Поиск
Главная » 2013 » Апрель » 10 » Ուզել է բանակից ազատվել «ոչ բնական ճանապարհով սեռական հարաբերություն» ունենալու պատճառաբանությամբ
22:52
Ուզել է բանակից ազատվել «ոչ բնական ճանապարհով սեռական հարաբերություն» ունենալու պատճառաբանությամբ
Վերաքննիչ քրեական դատարանում ավարտվեց Նարեկ Հ.-ի գործով բերված վերաքննիչ բողոքի քննությունը:

Սյունիքի մարզի ընդհանուր իրավասության դատարանը Սերգեյ Աղաբեկյանի նախագահությամբ 2012 թվականի դեկտեմբերի 3-ի դատավճռով շարքային Նարեկին մեղավոր էր ճանաչել ՀՀ քրեական օրենսգրքի 363 հոդվածի 2-րդ մասով: 
Հոդվածը հետևյալն է. «Անդամախեղելու, հիվանդության սիմուլյացիայի կամ ապօրինի այլ եղանակով զինվորական ծառայությունից խուսափելը»: 

Հոդվածի 2-րդ մասը քրեական պատասխանատվություն է սահմանում վերոհիշյալ արարքը զինվորական ծառայության պարտականությունները կրելուց վերջնականապես ազատվելու նպատակով կատարելու համար: Հոդվածի այս մասով պատասխանատվություն է սահմանվում 3-6 տարի ազատազրկում: 

Ըստ դատավճռի՝ Նարեկը 2012 թվականի ապրիլի 8-ին ընկերուհուն տեսնելու նպատակով ինքնակամ թողել է զորամասի տարածքը և ժամը 19-ի սահմաններում ինքնակամ ներկայացել է զորամաս: Հաջորդ օրը նա ենթարկվել է կարգապահական տույժի՝ տասնօրյա կալանքի:

Տույժը կրել է կարգապահական մեկուսարանի խցում: Խցակիցների խոսակցություններից ենթադրելով, թե «ոչ բնական ճանապարհով սեռական հարաբերություններ ունեցող զինծառայողներն ազատվում են ծառայությունից», ամբաստանյալը, ըստ մեղադրանքի՝ նպատակ ունենալով վերջնականապես ազատվել զինվորական ծառայության պարտականությունները կատարելուց, ապրիլի 13-ին հայտարարել է, թե ընկերուհու հետ այլ ձևով է հարաբերություն ունեցել: 

Խցակիցներն այս լուրը հասցրել են հսկիչին: 

Նարեկը հսկիչի ներկայությամբ ևս պատմել է իր սեքսուալ «հերոսությունների» մասին, որից հետո նրան տեղափոխել են այլ խուց: 

Պատիժը կրելուց հետո նրան տարել են մեկ այլ զորամաս, որտեղ, ըստ Նարեկի, ծառայում էին սեռական «այլ կողմնորոշում» ունեցողները: Նարեկը այնտեղ ծառայելն անվայել է համարել իր համար և հրամանատարությանը խնդրել, որ իրեն տեղափոխեն, սպառնացել է, թե այլապես կվնասի իրեն: 

Նա հետագայում՝ նախաքննության ժամանակ, պարզաբանել է, թե այլ եղանակով ընկերուհու հետ սեռական հարաբերություն ունենալու մասին սուտ է ասել: Ստել է, որպեսզի... վերջնականապես խուսափի զինծառայությունից...

Ընդհանուր իրավասության դատարանը Նարեկին մեղավոր էր ճանաչել «ապօրինի այլ եղանակով», այն է՝ խաբեությամբ, թե մինչև զորակոչվելն ընկերուհու հետ սեռական հարաբերություն է ունեցել ոչ բնական ճանապարհով, զինծառայության պարտականությունների կատարումից վերջնականապես ազատվելու նպատակ հետապնդելու համար՝ ՀՀ քրեական օրենսգրքի 363 հոդվածի 2-րդ մասով: Նարեկը դատապարտել էր 3 տարի ազատազրկման: Պատժի սկիզբը՝ 2012 թվականի օգոստոսի 20-ից:

Դատավճռի դեմ վերաքննիչ բողոք էր բերել Նարեկի շահերի պաշտպան Ա. Ավագիմյանը՝ խնդրելով արդարացնել իր պաշտպանյալին՝ նրա արարքում հանցակազմի բացակայության հիմքով:

Վերաքննիչ քրեական դատարանում Նարեկը հայտնեց, թե ցանկանում է զինվորական ծառայությունը շարունակել, զինծառայությունից վերջնականապես խուսափելու նպատակ չի ունեցել: Նա արդեն վախենում էր պատասխանել դատարանի՝ բազմիցս հնչեցրած հարցին՝ ա՞յլ ճանապարհով է ընկերուհու հետ հարաբերություններ ունեցել, թե՞ հորինել ու խցակիցների մոտ հայտարարություն է արել ինչ-ինչ պատճառներով: 
Մոլորված ամբաստանյալն ակնհայտորեն չէր կողմնորոշվում, թե ինչ պատասխան տա, ինչ ասի, որ դարձյալ չսխալվի:

Բողոքի հիմնավորումը, կողմերի դիրքորոշումները լսելով՝ վերաքննիչ դատարանը մտավ խորհրդակցական սենյակ, բայց երկար քննարկումից հետո վճռեց վերջնական որոշում չկայացնել, այլ... վերսկսել դատաքննությունը՝ հստակեցնելու համար մեղադրանքի մեխը կազմող հանգամանքը՝ զինծառայող Նարեկը վերոհիշյալ հայտարարությունն արել էր զինծառայության պարտականությունները կրելուց վերջնականապես ազատվելո՞ւ, թե՞ ժամանակավորապես խուսափելու նպատակով: 

Հնարավոր է՝ այս զինծառայողին մեղադրանք առաջադրելուց առաջ նրա հետ բացատրական զրույց ունենալը բավարար լիներ, որ երիտասարդը գիտակցեր անմտածված հայտարարության բոլոր հետևանքները և, թեկուզ կարգապահական նոր տույժ կրելով, շարունակեր ծառայությունը, չէ՞ որ ինն ամիս ծառայել, սկզբի դժվարությունները հաղթահարել էր: 

Ստեղծված իրավիճակում, երբ մեղադրանքի հիմնավորվածության վերաբերյալ չփարատված կասկածներ էին մնացել, գործը շուտափույթ ավարտելը կարող էր ճակատագրական լինել երիտասարդ ամբաստանյալի համար: 

Նման դեպք դատական պրակտիկայում էլ չէր եղել, այնպես որ դատավարության կողմերը ու նաև դատարանը հայտնվել էին բարդ իրավիճակում: Մի կողմից՝ կատարվածը շատ անլուրջ էր՝ լուրջ հանցանքի համար մարդուն մեղադրելու, առավել ևս՝ դատապարտելու առումով, մյուս կողմից՝ զինծառայողը հայտարարություն էր արել, հետո պնդել, թե ստել է, որ այլևս չծառայի...

Դատաքննությունը վերսկսելով՝ դատարանն իր նախաձեռնությամբ հարցում կատարեց այն զորամասին, որտեղ ծառայել էր Նարեկը: Մի քանի դատական նիստեր հետաձգվեցին՝ զորամասի պատասխանը ստանալու սպասումով:

Այսօր դռնփակ պայմաններում հրապարակվեց զորամասի ուղարկած պատասխանը, ապա դատարանը հեռացավ խորհրդակցական սենյակ:

Այս անգամ արդեն վերաքննիչ քրեական դատարանը, նախագահող՝ Հենրիկ Տեր-Ադամյան, դատավորներ Կարինե Ղազարյան և Գրիշա Մելիք-Սարգսյան, որոշում կայացրած դուրս եկավ խորհրդակցական սենյակից: 

Դատարանը եզրակացրեց, որ քրեական օրենսգրքի 363 հոդվածի 2-րդ մասով Նարեկ Հ.-ի մեղքը հիմնավորված չէ: Նրա կատարած արարքը վերաորակվեց նույն հոդվածի 1-ին մասով, որով ավելի մեղմ պատիժներ են սահմանվում «...խաբեության այլ միջոցով կամ ապօրինի այլ եղանակով զինվորական ծառայության պարտականությունները կատարելուց ժամանակավորապես խուսափելու համար»: 

Նարեկը դատապարտվեց 8 ամիս ազատազրկման: Պատժի սկիզբը՝ 2012 թվականի օգոստոսի 20-ից: 2013 թվականի ապրիլի 20-ին կլրանա նրա պատժաժամկետը: 

Այս ամիսների ընթացքում Նարեկը ակնհայտ ծանր ապրումների գնով, հնարավոր է, որ հասկացավ սեփական խոսքի ու արարքի փոխկապակցվածության, սեփական խոսքի ու արարքի համար պատասխանատու լինելու, որպես զինծառայող՝ առավել լրջմիտ ու գիտակից, որպես տղամարդ՝ ավելի արժանապատիվ ու հաստատակամ լինելու անհրաժեշտությունը: 
Այս ամենը կարող էր նրա մեջ դաստիարակված լինել նաև մինչև բանակ զորակոչվելը: Նա, որպես ժամանակակից երիտասարդ, կարող էր ավելի պատրաստված ու զարգացած, ավելի աչքաբաց ու կիրթ լինել: 

Այդ դեպքում ութամսյա չարչարանքների, ամոթի ու զղջման բեռը չէր կրի, այլ արդեն մոտ կլիներ զինվորական արժանապատիվ ծառայությունն ավարտելուն:

1in.am
Просмотров: 625 | Добавил: Admin | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Նկարներ
Copyright MyCorp © 2025