Արդեն մեկ տարուց ավել լրատվամիջոցներում չի դադարում քննարկվել Քեյթ Միդլթոնի հղիության հարցը: Անգամ մի քանի անգամ կեղծ լուրեր հայտնվեցին, թե արքայական զույգն արդեն սպասում է առաջնեկին:

Սպասումն այնքան մեծ է, որ բրիտանական Gene Reunited կազմակերպությունը մի ամբողջ ուսումնասիրություն է ծավալել՝ որոշելու Քեյթ Միդլթոն-արքայազն Ուիլյամ զույգի առաջնեկի լույս աշխարհ գալու ամենահավանական տարեթիվը, ամիսն ու անգամ օրը: 

Հետազոտելով արքայական ընտանիքում երեխաների ծնվելու օրինաչափությունները՝ կազմակերպության փորձագետները հայտարարել են, որ Քեյթն ամենայն հավանականությամբ երեխա կունենա 2013 թվականի օգոստոսին: Նրանց ուսումնասիրության համաձայն' եթե առաջնեկն աղջիկ ծնվի, նրա անունը կլինի Քերոլ, Էլիզաբեթ, Մերի, Ֆիլիպա կամ Վիկտորյա, իսկ եթե տղա, ապա Հենրի, Չարլզ, Ջեյմս, Ջորջ կամ Մայքլ:

http://ladynews.am