Նորվեգական գիտնականների նոր հետազություններն ապացուցել են, որ քնի հետ կապված խնդիրները նպաստում են սրտային հիվանդությունների վտանգի մեծացմանը:

Ըստ BBC-ի, 11 տարվա ընթացքում անցկացված հետազոտությանը մասնակցել է 20-89 տարեկան 50 հազար մարդ: Մշտադիտարկման արդյունքում գիտնականները պարզել են քնի որակի եւ սրտային հիվանդությունների վտանգի կապվածությունը: Պարզվել է, որ այն մարդիկ, ովքեր դժվարությամբ քնել եւ գիշերվա ընթացքում արթնացել են, որոշ ժամանակ անց սկսել են տառապել սրտային տարբեր հիվանդություններով:

Հետազոտության արդյունքում մասնագետները հանգել են եզրակացության, որ վատ քունը նպաստում է սթրեսի հորմոնների արտադրմանը, որոնք բացասաբար են ազդում սիրտ-անոթային համակարգի վրա:

NEWS.am STYLE