"Համաձայնել էի, գովազդային պաստառներն արդեն պատրաստ էին, բայց երեկ զանգահարեցին ինձ` տեղյակ պահելու, որ իրենց պայմանները` կապված ֆինանսական կողմի հետ, փոխվել են, եթե համաձայն չեմ, կարող եմ հրաժարվել: Արդեն իսկ զիջելով ու հարմարվելով` համաձայնել էի իրենց առաջարկած հոնորարին, բայց խախտեցին մեր պայմանավորվածությունը: Դա անլուրջ եւ ոչ պրոֆեսիոնալ քայլ եմ համարում”,-ասել է երգչուհին:

Քրիստինեի խոսքով` հոնորարների հարցում պահանջկոտ չէ, սակայն այս դեպքում չի ցանկանում զիջել."Սովորաբար, երբ կազմակերպիչներն իմ ցանկացած գումարը պատրաստ չեն վճարել, փոխզիջման եմ գնում, դրանից խնդիր չեմ ստեղծում, բայց այս դեպքում զանգում են եւ ոչ թե հարցնում կամ առաջարկում, այլ տեղյակ պահում, որ փոխել են մեր պայմանավորվածությունը: Նախկինում մասնակցել եմ նույն կազմակերպիչների համերգներին, մոտավորապես նման իրավիճակ եղել է, հաշվի չեմ առել: Ինչպես հասկացա, արդեն աշխատաոճ է դառնում, երբ գովազդում են համերգը, հետո երգչին տեղյակ պահում իրենց նոր պայմանների մասին: Այս անգամ պրովոկացիայի չեմ ենթարկվի”:

BRAVO.am-ի հարցին` հնարավոր է նախքան համերգը կազմակերպիչների հետ համաձայնության գա եւ, այնուամենայնիվ, ելույթ ունենա, երգչուհին պատասխանել է, որ բացառում է."Եթե այդ տարբերակը նախատեսեի, չէի բարձրաձայնի: Աշխատակից աղջիկը, որի հետ սկզբից էլ պայմանավորվել էի, ասաց` արդեն որոշված է, խնդրեցի, որ գլխավոր կազմակերպիչն ինձ հետ կապ հաստատի, բայց մինչեւ հիմա ժամանակ չի գտել զանգելու: Ուզում եմ հանդիսատեսին տեղյակ պահել, որ չնայած գովազդներին, այդ համերգին ներկա չեմ լինելու”:

Փոխարենն այսօր` նոյեմբերի 15-ին, "Յանս” ակումբում տեղի կունենա Քրիստինե Պեպելյանի ակումբային մենահամերգը, որի մասին BRAVO.am-ը կպատմի վաղը:

BRAVO.am
Լուսանկարները` BRAVO.am-ի եւ Քրիստինե Պեպելյանի անձնական արխիվից