Բրազիլիայի ոստիկանությունը հաղորդել է, որ Ռիո դե Ժանեյրոյում կողոպտել և բռնաբարել են օտարերկրյա զբոսաշրջիկի: Նշենք, որ այդ քաղաքը հաջորդ տարի պետք է ընդունի Աշխարհի առաջնությունը, իսկ 2016թ.-ին՝ Օլիմպիական խաղերը:

Դեպքը տեղի է ունեցել միկրոավտոբուսում: Չարագործները ավտոբուս են բարձրացել, դուրս հանել բոլոր ուղևորներին և զբոսաշրջիկ կնոջն ու նրա ընկերոջը տարել Ռիոյի ծայրամաս:

Այնտեղ մի քանի ժամ շարունակ նրան բռնաբարել են ընկերոջ աչքի առաջ: Տղամարդուն ուժգին ծեծել են ու ձեռնաշղթաներ հագցրել: Իսկ մինչ այդ նրանք զբոսաշրջիկներին ստիպել են քաղաքի բանկոմատներից հանել վարկային քարտերի վրա եղած գումարը:

Ոստիկանությունը պնդում է, որ հարձակվողները ձերբակալվել են: Զբոսաշրջիկների ազգային պատկանելության մասին տեղեկություններ չեն հաղորդվում: 

1in.am