ՌԴ Տոմսկ քաղաքի հարսանեկան գործակալություններից մեկը սկսել է «աշխարհի վերջը» դիմավորելու համար անհրաժեշտ պարագաներ վաճառել։ Հավաքածուի մեջ մտնում են, մասնավորապես, ձկան պահածո, օղի, մոմեր, պարան և օճառ, նոթատետր, մատիտ, «ՌԻԱ Նովոստի» գործակալությանն ասել է ընկերության տնօրեն Յուլիանա Շեգոլևան։

Մայաների օրացույցն ավարտվում է դեկտեմբերի 21-ին, ինչը հոռետեսներին հիմք է տվել ենթադրել, թե այդ օրն աշխարհի վերջն է։

«Տարբեր աղբյուրներից լսում ենք, որ դեկտեմբերի 21-ին աշխարհի վերջ է։ Ես էլ մտածեցի՝ ինչո՞ւ աշխարհի վերջը դիմավորելու պարագաներ չկան։ Մենք մտանք ինտերնետ ու գտանք նման հավաքածու միայն մեքսիկացիների մոտ։ Իսկ ինչո՞վ ենք նրանցից վատը»,- պատմել է Շեգոլևան։

Հավաքածուն արժե 890 ռուբլի։

«Մեր այս նախաձեռնությամբ մենք չենք քարոզում աշխարհի վերջը, մենք պարզապես ցանկանում ենք, որ ռուսները հումորով վերաբերվեն դրան»,- ասել է նա։

Ի դեպ, նա ընդգծել է, որ դրանք գնում են ընկերությունները՝ որպես Ամանորի նվեր իրենց աշխատակիցներին։

tert.am