Ինչպես հաղորդել էինք, Սվերդլովսկի մարզի Վերխնյայա Պիշմա քաղաքի խանութներից մեկի սառնարանում հայտնաբերվել էին 2 նորածնի դիակներ: Ոստիկանությունը պարզել էր, որ դիակները գտնվում են խորը սառեցման փուլում:

Դատաբժշկական փորձաքննությունից հետո, պարզվել է, որ նորածիններն արական սեռի են: Փորձագետները պարզել են, որ նորածին տղաներին մթերքի սառեցման համար նախատեսված սառնարան են մտցրել անմիջապես ծնվելուց հետո`ողջ-առողջ վիճակում:

Գտնված երեխաներն եղել են սառած վիճակում եւ նրանց սեռը պարզել են սառնարանից դուրս բերելուց հետո, որոշ ժամանակ անց,- հայտնել է Սվերդլովսկի մարզի Հետաքննությունների քննչական կոմիտեի պետի տեղակալ Մաքսիմ Չալկովը:

Թե ինչքան ժամանակ են սառնարանում մնացել նորածինները, պարզ չէ. Այժմ աշխատանքներ են տարվում հանցագործ մորը կամ հանցագործներին գտնելու ուղղությամբ: Հարուցվել է քրեական գործ, կատարվում է նախաքննություն:

Իրավապահները նշել են, որ խանութի գործունեությունը ժամանակավորապես դադարեցվել է, հարցաքննվել են խանութի աշխատակիցները, բոլոր կանայք, ովքեր աշխատում են տվյալ խանութում կամ ազատվել են աշխատանքից վերջին մի քանի ամիսների ընթացքում:

http://lifenews.ru