Գեղեցիկ և գրավիչ լինելը թերևս բոլոր կանանց երազանքն է: Գեղեցկությունը կնոջ գլխավոր խաղաքարտերց է, և գեղեցիկ սեռի ներկայացուցիչներս քիչ ժամանակ չենք տրամադրում այն միշտ պատշաճ պահելու համար: Այնուամենայնիվ, շատ կանայք այդպես էլ չեն գոհանում հայելում իրենց արտացոլանքը տեսնելիս: Ամբողջ աշխարհում հոգեբանությունը հաստատել է, որ միայն ինքնավստահ կանայք են կարողանում ստեղծել կարիերա և ներդաշնակ անձնական կյանք: Բարձունքներին հասնելը սկսվում է առաջին քայլից' ինքդ քեզ ընդունելուց, քո մարմինն ու քո թերությունները, առանց որոնց մենք պարզապես այլ մարդիկ կլինեինք: Գոյություն ունեն մի քանի ոչ բարդ կանոններ, որոնք կօգնեն կանանց սիրել իրենց թերությունները:

Հոգեբանությունը խորհուրդ է տալիս այսպիսի վարժություն. թերթիկի վրա առանձին գրեք Ձեր առավելությունները և Ձեր թերությունները: Առավելությունների ցուցակը պետք է կարդալ ամեն օրև հպարտանալ դրանցով, իսկ յուրաքանչյուր թերության դեմ պայքարել: Օրինակ, եթե թերությունների ցուցակում տեղ են գտել ավելորդ կիլոգրամներն ու ալարկոտությունը, ապա կարելի է նպատակ դնել վարժություններ անել կամ առավոտյան վազքով զբաղվել:

Փոխեք Ձեր դատողությունները Ձեր բնավորության կամ արտաքինի մասին: Փոխեք այդ պարտադրող «պետք է»-ն «ուզում եմ»-ի: Միայն վառվող ցանկությամբ կարելի է փոխել որևէ բան:
Շատ շփվեք ինքանավստահ և լավատես մարդկանց հետ: Որպես կանոն' լավատեսությունը վարակում է և էներգիայով լիցքավորում: Շփվելով ինքնավստահ մարդկանց հետ, ովքեր միշտ հասնում են իրենց նպատակներին, խթան է դառնում, որպեսզի Դուք էլ հասնեք նման արդյունքների:

Ամեն օր ժամանակ գտեք Ձեր հաջողությունները ֆիքսելու: Դա կարող է մի քանի րոպե տևել, իսկ ոմանց մոտ' մի քանի ժամ: Այդ ժամանակ մտածեք Ձեր մասին, Ձեր հաջողությունների մասին: Եվ անպայման մտածեք հաջողությամբ:
Դադարեք անդադար բողոքել Ձեր կյանքից և անհաջողություններից: Անգամ Ձեր մտերիմներին: Հենց դուք դադարեք այդ մասին խոսել, բոլոր խնդիրները կդառնան ավելի պակաս նկատելի:

Սկսեք գովել ինքներդ Ձեզ: Ինչքան հնարավոր է հաճախ գովեք ինքներդ Ձեզ և ամեն ինչի համար' լավ կատարած աշխատանքի, համեղ պատրաստած ընթրիքի, գեղեցիկ աչքերի և մազերի, ասված խոսքերի կամ չասվածների համար: Շատերի համար այս վարժությունը դժվար կթվա, բայց ամեն օր կրկնելով, երկու շաբաթից այն պարզապես սովորություն կդառնա:

Եթե դժգոհ եք սեփական մարմնից կամ դեմքից, ապա աշխատեք ինչքան հնարավոր է հաճախ նայել հայելում մերկ վիճակում: Շատ կարևոր է սեփական արտացոլանքին հաճոյախոսություններ անել, ժպտալ և ոչ մի դեպքում չքննադատել:

Նվերներ արեք ինքներդ Ձեզ' նոր պայուսակ կամ կոշիկ, աքսեսուար և այլն: Հայտնի է, որ նվերը սթրեսից դուրս գալու լավագույն միջոց է:

Մեծ ուշադրություն դարձրեք առողջ սննդակարգին, մարզասրահ, գեղեցկության սրահ այցելելուն: Ձեր արտաքինի ամենօրյա խնամքը Ձեզ տոնուսի մեջ կպահի: Միայն անդադար աշխատանքը ինքներդ Ձեզ վրա թույլ կտա տեսնել արդյունքը:

ladynews.am