Իտալիայի իշխանությունները 17-ամյա ռուս աղջկան, ում բռնաբարել էին 5 իտալացիներ, Վիտերբո քաղաքի զայրացած բնակչությունից թաքցնելու համար տեղափոխել են Հռոմ: Ռուսական ԶԼՄ-ներում տեղեկություն է տարածվել նաև, որ Անգելինա Չ-ն Իտալիայում Ռուսաստանի դեսպանության միջոցով ՌԴ իշխանություններից օգնություն է խնդրել:

Աղջիկն Իտալիայում էր գտնվում դպրոցական փոխանակման ծրագրով և ապրում էր հյուրընկալ ընտանիքում:

Հիշեցնենք, որ օրեր առաջ Անգելինան հայտարարել էր, որ 5 իտալացի հարձակվել են իր ու ընկերուհու վրա ու բռնաբարել: Ռուս ուսանողուհու խոսքով` իր հետ կատարվածի` հայտնի դառնալուց հետո պատուհանի մոտ անընդհատ անծանոթ մարդկանց է նկատում, ովքեր իրեն չեն թողնում փողոց դուրս գալ և սպառնալիքներ են հնչեցնում:

mamul.am