Տղամարդկանց ամենաշատ հուզող հարցերից է նրանց սեքսի հաճախականության, այսինքն քանակի հարցը: Այս իմաստով չկա սեքսի հաճախականության հաստատուն թիվ, քանի որ սեռական հարաբերությունը անհատական հասկացողություն է: Հետևաբար շատ դեպքերում զույգերի "սեռական” անհամաձայնության հիմնական պատճառը այս անհամապատասխանությունն է, երբ տղամարդը ցանկանում է սեքս ամեն օր, իսկ կինը` շաբաթը մեկ անգամ:

Տարբեր երկրներում կատարված հետազոտական աշխատությունները վկայում են, որ ընդհանուր արմամբ այս իմաստով տղամարդիկ և կանայք դժգոհ են իրենց սեռական կյանքից: Այս հետազոտության մասնակիցների մեծ մասը համարել են, որ իրենք նախընտրում են ավելի հաճախ ունենալ սեռական հարաբերություն: Այս հետազոտությունները պարզել են նաև, որ տղամարդկանց և կանանց սեռական գոհունակության բացակայությունը պայմանավորված է նրանց սեռական մղման (Sex drive) տարբեր աստիճաններով: Շատ կարևոր է նաև սեքսին բավարար ժամանակ հատկացնելը, միմիանց հետ սեռական կյանքի մանրամասնությունների քննարկումը, սեքսից խուսափելու պատճառների պարզաբանումը ևալն: Այս հաղորդակցությունը կարող է ապահովել ամուսինների սեռական կյանքի հաջողությունն ու գոհունակությունը: Սեռական կյանքին վերաբերող անհամաձայնությունները կարող է հարթվել ամուսինների միջև փոխադարձ հասկացողության և ընկալման միջոցով: Պետք է խուսափել նաև համեմատվել այլ զույգերի հետ, քանի որ դա կարող է խորացնել տվյալ խնդիրը և բերել ոչ ցանկալի հետևանքների:

Ամենակարևորը գիտակցելն է, որ չկա սեռական հարաբերության քանակի սահմանված նորմա: Երբ ամուսիններից յուրաքանչյուրն զգում է, որ նա կարող է մյուսին տրամադրել սեռական հարաբերության (նույնիսկ ցանկություն չունենալու դեպքում), ինչպես նաև հաճույք պատճառել նրան, ապա դա կլինի լավագույն միջոցը այդ խնդիրները հաղթահարելու համար:

աղբյուր` http://www.urolog.am/