Շվեդիայի իշխանությունները ձերբակալել են 37-ամյա կնոջ, որի տանը հայտնաբերվել է 6 գանգ և մի շարք մարդկային ոսկորներ՝ մեղադրելով վերջինիս հանգուցյալների ոսկորների հետ սեռական հարաբերություն ունենալու մեջ։

Հետաքննության ընթացքում հաջողվել էր պարզել, որ կինն ամբողջական կմախք է հավաքել, որի հետ նա վարվում էր իր սիրեկանի նման։ Սակայն կինը չի խոստովանում իր մեղադրանքը և պնդում է, որ ոսկորները նա ձեռք է բերել համացանցի օգնությամբ՝ պատմության և հնեաբանության նկատմամբ սիրո պատճառով։ Բացի 6 գանգից՝ մեղադրյալի բնակարանում գտնվել են ողեր, ազդոսկրեր և մարդկային կմախքի այլ մասեր, որոնք պահվում էին սառնարանում։ Բացի ոսկորներից՝ կնոջ բնակարանում հայտնաբերվել են դիահերձարանում արված դիակների լուսանկարներ, ինչպես նաև տեսագրություններ հետևյալ գրառումներով. «Իմ նեկրոֆիլիան» և «Իմ առաջին փորձը»։ 

Մինչ այդ Շվեդիայի իշխանությունները կնոջ դեմ մեղադրանք են առաջադրել մարդկային կմախքի հետ ոչ էթիկ վարմունքի մեջ։ Կնոջն արդեն մեղսունակ են ճանաչել, այդ պատճառով մեղադրական վճռի դեպքում կնոջը սպառնում է մինչև 2 տարի ազատազրկում կամ տուգանք։ Ինքը՝ շվեդուհին, մեղադրանքը հերքում է և պնդում է իր անմեղությունը։ նրա խոսքերով՝ իր գործողություններում ոչ մի հակաօրինական տարր չկա և իր սեքսուալ նախապատվությունն իր անձնական գործն է։

lurer.com