Slaq.am–ը շարունակում է ստանալ նամակներ իր ընթերցողներից։ Այս անգամ մեզ գրել է 25 ամյա Գայանեն։

Միշտ երազում էի հարուստ լինելու մասին: Թեպետ աղքատ չեմ եղել, բայց միշտ ավելիին եմ ձգտել: Միշտ մտածում էի` ինչու՞ պետք է մյուս աղջիկներն ինձնից լավ հագնվեն, ավտոմեքենա ունենան, լավ տեղեր գնան, իսկ ես` նրանցից գեղեցիկ լինելով, պետք է բավարարվեմ իմ ունեցածով:
Երկրպագուներ շատ ունեի դեռևս մանկուց, սակայն բոլորին անուն էի դնում, քանի որ հարուստ չէին: Երբեք չէի մտածում, որ կարող եմ որևէ մեկին սիրել, քանի որ մտքումս միայն մի բան էր` գտնել հարուստ փեսացու: Սակայն ստացվեց այնպես, որ իսկապես սիրահարվեցի մի տղայի, ով հարուստ չէր: Մենք իսկապես սիրում էին իրար,նա իմ համար ամեն ինչի պատրաստ էր: Հետագայում անգամ պարզեցի, որ վարկով գումար էր վերցրել` ինձ լավ տեղեր տանելու ու նվերներ գնելու համար: Հանդիպեցինք մեկ տարի, նա անընդհատ խոսում էր ամուսնության մասին, իսկ ես էլ պատասխանում էի, որ կամուսնանամ այն ժամանակ, երբ նա մեզ համար առանձին բնակարան գնի, ինձ էլ կարողանա լավ կյանքով ապահովել:
Այդ ընթացքում, երբ ես նրա հետ ընկերություն էի անում, մեկ այլ երկրպագու իմ կյանքում հայտնվեց: Ես նրան չէի ասել, որ ընկեր ունեմ, ու սկսեցի նրա հետ էլ միաժամանակ հանդիպել: Նա բավականին հարուստ էր, եկել էր Մոսկվայից, որտեղ էլ բիզնեսներ ուներ: 
Մեկ ամիս հանդիպելուց հետո ամուսնացա փողատիրոջ հետ:
Ընկերս միայն հարսանիքիս նախորդ օրն իմացավ, որ ես ամուսնանալու եմ, թքեց երեսիս ու հեռացավ:
Հիմա ապրում եմ Մոսկվայում, ունեմ մեքենա, բնակարան, թանկ հագուստ, սակայն չեմ սիրում ամուսնուս: