Եթե սիրահարված եք միանգամից երկու հոգու, համաձայն ենք, հեշտ ընտրություն չէ… Շտապեք կարգավորել իրավիճակը, այլապես ստիպված կլինեք ապրել երկատված կյանքի բոլոր դժվարությունները, խաբել հարազատներին, ի վերջո կորցնել նրան, ում միգուցե սիրում էիք իսկապես:

1. Հարցրեք ինքներդ Ձեզ՝ ում հետ կուզեիք անցկացնել ողջ կյանքը: Լինում է, որ սերը շփոթում ենք հրապուրանքի, կրքի հետ: Եթե չորոշակիացնեք դրությունը, սիրահարվածությունը շուտով կանցնի, եւ կափսոսաք, որ բաժանվեցիք հարազատ մարդուց հանուն անցողիկ կրքի:

2. Մտածեք, թե երկուսից ում եք ավելի շատ վախենում կորցնել: Պատկերացրեք՝ նա այլեւս չկա Ձեր կյանքում: Եթե տխրում եք միայն պատկերացնելուց, ապա շատ հավանական է, որ այդ տղամարդու կորուստը շատ ցավագին տանեք: Եթե շատ քիչ եք հանդիպում նրանցից մեկի հետ, եւ Ձեզ պարզապես դուր է գալիս լավ ժամանակ անցկացնելը միասին, ապա նրանից հեռանալն ավելի հեշտ կլինի:

3. Ում հետ եք ավելի քիչ կռվում, ով է Ձեզ ավելի լավ հասկանում եւ հոգ տանում Ձեր մասին: Օբյեկտիվ եղեք: Օրինակ՝ եթե նա Ձեզ վիրավորելու, ցավացնելու առիթը բաց չի թողնում, մի փորձեք ամեն անգամ արդարացում գտնել: Ընտրեք նրան, ով առավել հարգալից է Ձեր նկատմամբ: