Սիրուշոն  հույն երգիչ Սաքիս Ռուվասի հրավերով հուլիսի 29-ին ելույթ է ունեցել նրա մենահամերգին: Համերգը կայացել է Հունաստանի Միկոնոս կղզում, եւ հայ երգչուհին կատարել է «Քելե-քելե» հիթը:

«Հուլիսի 29 -ին Հունական կղզիներից մեկում խրախճանք էր, քանի որ տեղի էր ունենալու հույն ամենաճանաչված երգիչներից մեկի` Սաքիս Ռուվասի մենահամերգը: Նա արդեն 20 տարի շարունակ պահպանում է առաջատարի իր դիրքերը: Շատ շոյված եմ, որ հրավիրված էի մասնակցելու: Այս մեծ համերգին որպես հյուր ներկայանալը եւ ինձ արդեն հարազատ դարձած հույն հանդիսատեսի հետ հանդիպումը կարեւոր իրադարձություն էր, որն ինձ տվեց նոր լիցքեր»,- Facebook-ի իր էջում գրել է Սիրուշոն: