Այսօր՝ ապրիլի 25-ին, ավտովթար է տեղի ունեցել Լոռու մարզում: Ժամը 17:00-ի սահմաններում Սպիտակ-Վանաձոր ավտոճանապարհի 2-րդ կմ հատվածում բախվել են Վանաձոր քաղաքի բնակիչներ Ռոբերտ Շահնազարյանի վարած «Volkswagen» մակնիշի՝ 17 UL 838 համարանիշի և Մանվել Մարիկյանի վարած «Երազ 762» մակնիշի՝ 64 SO 525 համարանիշի ավտոմեքենաները:

Ինչպես հայտնում է ֆոտոլրագրող Գագիկ Շամշյանը, վթարի հետևանքով «Երազը» կողաշրջվել էր, իսկ երեք հոգի մարմնական վնասվածքներով տեղափոխվել են Սպիտակի բժշկական կենտրոն:
Դեպքի վայր են ժամանել Ճանապարհային Ոստիկանության 2-րդ սպայական գումարտակի 5-րդ վաշտի աշխատակիցները՝ վաշտի հրամանատար Վարդան Նարգիզյանի, հրամանատարի տեղակալ Մարտիկ Բալայանի գլխավորությամբ:

Փաստի առթիվ նույն վաշտի հետաքննիչ Դավիթ Խանաղյանի կողմից նյութեր են նախապատրաստվում:
Ոստիկանությունը պարզում է հիվանդանոց տեղափոխված վիրավոր անձանց ինքնությունը: