Համարվում է, որ սթրինգ վարտիքները ասպարեզ են եկել ոչ այնքան վաղ անցյալում՝ XX դարի վերջին։ Սակայն իրականում դրանք մտահաղացվել են դեռ Երկրորդ համաշխարհային պատերազմի սկզբին, Ամերիկայում։

Այս աշխարհի հզորներից մեկը մի անգամ (պատահաբար թե ոչ) հայտնվել է գիշերային ակումբում, որտեղ մերկապար (ստրիպտիզ) են ցուցադրել։ Կանայք հանդիսատեսի առջև պարել են մորեմերկ, և պատվավոր հյուրը, որ հայտնի էր իր խիստ հայացքներով, հրամայել է ամոթույքը գոնե ինչ-որ չափով ծածկել։

Հենց այդ ժամանակ էլ ի հայտ են եկել սթրինգները, ընդ որում, մերկապարը դրանց շնորհիվ շատ ավելի հետաքրքիր ու էրոտիկ է դարձել։ Իսկ հետագա բոլոր սերունդների կանայք հաճույքով էին օգտագործում այդ ներքնաշորը, որն ավելի անկաշկանդ ու սեքսուալ լինելու հնարավորություն էր տալիս,-փոխանցում է xnet.am-ը:

Սթրինգը հենց այն է, ինչ ինչ-որ չափով ծածկում է. գործվածքի եռանկյունի կտոր, որին ժապավեններ են ամրացված։ Անշուշտ, դա սեքսուալ տեսք ունի, մանավանդ այն տիկնանց դեպքում, որոնց տարածվածության պատճառներից մեկն էլ հարմարությունն է, չէ" որ այն հնարավորություն է տալիս հագնելու այն, ինչ սիրտդ ուզում է՝ թափանցիկ ու թեթև փեշ, կիպ գրկող երեկոյան զգեստ, մոդայիկ ջինս։ Այն աննկատ է մնում հագուստի տակ, ասես չկա էլ։

Սթրինգի ընտրությունը շուկայում այսօր շատ լայն է։ Արտադրողները ջանում են իրենց մոդելները հնարավորինս գրավիչ դարձնել, և դրա համար օգտագործում են տարբեր գործվածքներ։ էժանագին սթրինգները, ինչպես և ուրիշ էժանագին ներքնաշորեր, կարում են սինթետիկ գործվածքից։ Սակայն այն ընկերությունները, որոնք իրոք որակյալ արտադրանք են տալիս, օգտագործում են ուրիշ գործվածքներ՝ ցանցկեն, մետաքս, միկրոնրբաթել կամ բամբակ։

Այսուհանդերձ, աշխարհի գինեկոլոգները սթրինգը լուրջ խնդիր են համարում։ Կանանց՝ դրանց միջոցով իրենց գրավչությունն ու սեքսուալությունն ընդգծելու ձգտումը հղի է առողջական լուրջ անախորժություններով, երբեմն՝ տարբեր հիվանդությունների ու վարակների ծանր ձևերով։

Պատճառները շատ են, և դրանցից մեկը սինթետիկայի օգտագործումն է։ Ինչքան շատ են սինթետիկ նրբաթելերը, այնքան հեշտ է պահպանել ներքնաշորը։ Սակայն նման գործվածքից դժվար է օդ թափանցում, այն խոնավություն է կուտակում, գրգռում մաշկը և նուրբ լորձաթաղանթը։

Սթրինգի ձևը նույնպես նպաստում է տարբեր հիվանդությունների առաջացմանը, քանի որ նեղ ժապավենը հետույքի արանքում բառի բուն իմաստով օգնում է, որ աղիների մանրէները անուսից իջնեն հեշտոց։

Ուրեմն ի՞նչ անել, առհասարակ հրաժարվե՞լ սթրինգից։ Բայց չէ՞ որ այն շատ հարմար ու գեղեցիկ է։ Եվ գլխավորը՝ սեքսուալ է։

Փաստորեն, ստիպված ենք ընտրել՝ կա՛մ գեղեցկությունը, կա՛մ առողջությունը։ Նման հարցադրումը անհեթեթ է հնչում, քանի որ գեղեցկությունը նախ և առաջ առողջություն է, մանավանդ՝ կանանց առողջություն։ Մյուս կողմից՝ ի՞նչ սեքսուալության մասին կարող է խոսք լինել, եթե հենց կանանց սեռական օրգանների հետ կապված խնդիրներ կարող են ծագել։

Իրականում ամեն ինչ շատ ավելի հեշտ է լուծվում։ Եթե սթրինգ եք գնել, դա չի նշանակում, որ այն պետք է միշտ հագնել ցանկացած իրավիճակում, լինի խանութ գնալիս թե ազատ ժամանակ, զբոսնելիս թե աշխատանքի գնալիս։ Այ, հենց աշխատանքի ժամանակ բնավ սթրինգ հագնելու կարիք չկա, եթե, իհարկե, գիշերային ակումբում չեք աշխատում։

Սթրինգը կոչված է լավ լույսի տակ ներկայացնելու ձեր արժանիքները որոշակի իրավիճակներում, օրինակ՝ երբ անհրաժեշտ է հագնել նրբակիրթ և ձեր կանացիությունն ընդգծող երեկոյան զգեստ կամ բարակ կիպ գրկող շալվար։ Եթե սթրինգը հագնեք նման դեպքերում, ապա խնդիրներ չեն առաջանա։

Սակայն շատ հաճախ տեղի է ունենում հակառակը, և կանայք, ասենք, ջահել աղջիկները նույնպես, սթրինգը հանգնում են անընդհատ՝ ձեռք բերելով բորբոքումներ, սնկային և ավելի բարդ հիվանդություններ, որոնք ցանկալի չէ այստեղ թվարկել։

Սթրինգ գնելիս նախապատվությունը տվեք բնական գործվածքներից կարվածներին, ամենից լավը բամբակն է։ Եթե, այնուամենայնիվ, երբեմն սինթետիկ վարտիք եք հագնում, ապա օգտագործեք ամենօրյա միջադիրներ։

Մի հագեք սթրինգ ամբողջ օրը, առավել ևս՝ գիշերը։ Չէ" որ դա անհրաժեշտ է մի քանի ժամով, ինչպես բարձր, բարակ կրունկով կոշիկները, ուստի առաջին իսկ հնարավորության դեպքում փոխարինեք այն ավելի հանգիստ տարբերակով։

Եվ, իհարկե, միշտ ընտրեք ձեր չափսի և ոչ էժանագին սթրինգ։ Ավելորդ է ասել, որ մաշկի մեջ խրվող և լորձաթաղանթը հարող ներքնաշորը, տվյալ դեպքում՝ սթրինգի ժապավենները, բորբոքումներ ու վարակներ վաստակելու ամենալավ հնարավորությունն են։ Հիշեք, որ ձեր մարմինն արժանի է լավագույնին։