Երկվորյակ քույրեր Լուիզա և Մարտինա Ֆոքքենսները, ովքեր հայտնի են որպես Ամստերդամի ամենատարեց մարմնավաճառուհիներ, որոշել են ավարտել իրենց կարիերան:
70-ամյա քույրերը խոստովանել են, որ վերջին ժամանակներն իրենք դժվարանում են սեքսուալ ծառայություններ մատուցել: Լուիզան ասել է, որ արտրիտի պատճառով դիրքերն իրեն ցավ են պատճառում: Իսկ նրա քույր Մարտինան ասել է, որ դժվարացել է հաճախորդներ գրավելը:

Ընդհանուր առմամբ, քույրերը սպասարկել են 355 հազար տղամարդու: Երկու քույրերը սկսել են զբաղվել մարմնավաճառությամբ, որպեսզի կարողանան ամուսնալուծությունից հետո կյանքի միջոցներ վաստակել: Կարիերայի սկզբում նրանք եղել են 20 տարեկանից փոքր:

Վերջին տարիների ընթացքում քույրերը նկարահանվել են «Ծանոթություն Ֆոքքենսների հետ» վավերագրական ֆիլմում և գրել «Ամստերդամի տիկնայք» ինքնակենսագրական գիրքը: