Տղամարդն ինչպե՞ս հասկանա, որ աղջիկը մանիպուլյացիայի է ենթարկում իրեն: Եթե զգում ես, որ քո կամքից անկախ գնում ես սիրելիիդ հետեւից, իրականացնում ես նրա բոլոր կամակորությունները, բոլոր անմիտ պահանջները, ուրեմն ծուղակն ես ընկել:

Յուրաքանչյուր աղջիկ գիտի, թե ինչպես իշխել ցանկացած տղամարդու: Աղջիկներից յուրաքանչյուրն իր զինանոցում ունի մի քանի հնարք, որոնք մանկուց ականջին շշնջացել է նրան սիրող մայրիկը: Հավատա, որ այդ հնարքները քեզ անպայման կստիպեն «ծնկի գալ»:

Ահա մանիպուլյացիայի մի քանի մեթոդներ, որոնք աղջիկները կիրառում են՝ իրենց ամուսնուն սանձած պահելու համար:

1. Գայթակղություն

Գայթակղությունը մանիպուլյացիայի ամենից արդյունավետ եւ տարածված միջոցն է: Աղջիկը պատրաստ է գնալ ամեն ինչի՝ իր նպատակին հասնելու համար: Բայց, հավանաբար, քո մտքով էլ չի անցել, որ աղջիկները չափազանց լավ ստրատեգներ են: Նա ամեն ինչ անում է՝ քո բարեհաճությունը շահելու համար, որպեսզի հետագայում քեզանից պարան գործի: Նրա ժպիտները, շոյելն ու համբուրելը քեզ աստիճանաբար ստիպում են փակել աչքերը նրա անխոհեմ արարքների վրա եւ իրականացնել սովորական խնդրանքները:

Մանիպուլյացիայի այս միջոցն աղջիկները կիրառում են բոլոր հարաբերությունների ընթացքում, քանի դեռ տղան տարված է իրենով եւ իրական զգացմունքներ ունի:

2. Լռության խաղ

Հերթական վեճից հետո կամ նույնիսկ առանց դրա քո ընկերուհին լռում է, եւ դու գլուխ ես կոտրում՝ հասկանալու. ի՞նչ, ե՞րբ, որտե՞ղ: Փորձում ես հասկանալ նրա լռության պատճառը: Բայց ապարդյուն: Դա կարող է տեւել մինչեւ անվերջություն, մինչեւ աղջիկը չխղճա քեզ եւ սեփական կամքով խոսի:

Ինչո՞ւ են աղջիկներն օգտագործում մանիպուլյացիայի նման մեթոդը. դա հերթական քայլ է, իսկ շատ տղամարդկանց արձագանքն այնպիսին է. «Ես ամեն ինչ կանեմ, միայն թե մի՛ լռիր»:

3. Վիրավորվածություն

Լռություն ու վիրավորվածություն - սրանք միմյանց սերտորեն կապված հնարքներ են: Բայց եթե լռությունն առավելապես զանգվածային մանիպուլյացիա է, ապա վիրավորվածությունը քեզ վրա ագրեսիվ ներազդման միջոց է: Վիրավորվելով՝ աղջիկը ցուցադրում է իր զայրույթը: Եվ շատ հաճախ վիրավորվելու ծանրակշիռ պատճառներ չկան:

Քո հիմնական գործողությունները – հիմնովին կարգավորել կոնֆլիկտը՝ թույլ չտալով, որ վերածվի վիրավորվածության: Հակառակ դեպքում, մեղքի զգացողությունն ու դրանից բխող բոլոր հետեւանքները քեզ համար ապահովված են:

Հրապարակվում է Sex-news-ի նյութերի հիման վրա

NEWS.am STYLE