Ախ հետաքրքրասեր կանայք… Ինչեր ասես, որ չենք անի, միայն թե նախապես որևէ բան իմանանք տղամարդու մասին, բացենք նրա բոլոր խաղաքարտերն ու հասկանանք էությունը: Դա կարելի է անել ամենատարբեր միջոցներով' խոսելաձևից, պահվածքից մինչև ծխելու ձևն ու օղու բաժակում հեղուկի մնացած քանակը ուսումնասիրելով: Այս անգամ

LN-ն առաջարկում է իմանալ Ձեր սիրելիի նախասիրություններն ըստ գուլպայի:

Սև. այսպիսի գուլպաներ կրողները յուրաքանչյուր խնդրի դեպքում փնտրում են ամենահեշտ լուծման տարբերակը, յուրաքանչյուր իրավիճակում կարողանում են ջրից չոր դուրս գալ: Նրանք նաև ալարկոտ են, երբեմն' անուշադիր: Եվ այս գույնի ընտրությունն էլ իզուր չէ. չէ որ այն պրակտիկ է և ուշ է կեղտոտվում:

Մոխրագույն կամ շագանակագույն գուլպաներ հագնողները հիմնականում կոնսերվատիվ մարդիկ են: Նրանք պահպանողական են, կարող են մի գուլպան ամեն օր լվանալ և հագնել: Չեն սիրում նորություններ նաև կյանքում, աշխատում են զերծ մնալ ռիսկային գործերից, էքսպերիմենտներից:

Սպիտակ գուլպաներ նախընտրում են ոճային տղամարդիկ, ովքեր խիստ հետևում են իրենց արտաքինին: Չափազանց նրբանկատ են նաև շրջապատողների հագուկապի նկատմամբ: Մարզիկների նախընտրած գույնն է, ինչը ցույց է տալիս նաև, որ դրանք կրողը ֆիզիկապես ակտիվ մարդ է: Աշխատասիրությունը, համբերությունը նույնպես նրանց համար են:

Գունավոր գուլպաներ նախընտրողները բավականին համարձակ են: Նրանք ռոմանտիկներ են, երազողներ, ովքեր սիրում են պայքարել, հուսալ: Նրանք նաև կենսախինդ մարդիկ են: Կարևորում են դիմացինի կարծիքը, բայց հակառակ համոզման դեպքում մնում են իրենց կարծիքին:

Կարևոր է ուշադրություն դարձնել նաև գուլպայի վրայի նկարին, նախշերին:

Ռոմբիկավոր գուլպաները խոսում են մեկի մասին, ով դեռ չգիտի, թե ինչ է ուզում: Նրա կյանքում միշտ նորություններ են, և նա միշտ տատանվում է որոշումներում:

Ծաղիկներով գուլպաները խոսում են բարձր ինքնագնահատականով սրտակերի մասին:

Գծավոր, քառակուսիներով գուլպաներ հագնողները խիստ, բայց հավատարիմ տղամարդիկ են: Ընտանիքի տղամարդ ասվածն իսկը նրանց համար է: Երբեմն կարող են սահմանափակ մտքեր արտահայտել, բայց հոգով նրանք անսահման բարի են:

Այնպես որ ուշադիր եղեք Ձեր տղամարդու գուլպաներին. դրանք կարող են որպես այցեքարտ ծառայել…

ladynews.am