Մեզնից յուրաքանչյուրը կյանքում գոնե մեկ անգամ լրջորեն անհանգստացել է ամենապատասխանատու պահին զուգագուլպայի պատռվելու պատճառով: Մինչդեռ սրանից շատ հեշտ կարելի է խուսափել` ընդամենը զուգագուլպա գնելիս մի քիչ ավելի ուշադիր լինելով:

Հոտ քաշեք: Այո, գնելիս հոտ քաշեք զուգագուլպայից: Որակյալ ֆիրմաները հատուկ օծում են իրենց արտադրանքը, իսկ անորակ զուգագուլպաներից Դուք կզգաք միայն կտորի հոտը:

Ուշադրություն դարձրեք կարերին. եթե դրանք վառ արտահայտված են ու կլորավուն, ապա զուգագուլպան անորակ է, իսկ կարերն անպայման կերևան կիպ հագուստի տակից: Որակյալ զուգագուլպաների կարերը գրեթե չեն տարբերվում բուն կտորից. խառնված են դրա հետ:

Մի քիչ ձգեք զուգագուլպան. եթե դրա մեջ ծառի կտրված բուն հիշեցնող կլոր գծեր տեսնեք, ուրեմն Ձեր ձեռքին որակյալ ապրանք է:

Որոշ զուգագուլպաների բաղադրության մեջ կա հատուկ թել, որ ամրություն ու թեթևություն է հաղորդում դրանց: Այդպիսի զուգագուլպաների փաթեթի վրա գրված է լինում «multisoft» կամ «micro», և որքան բարձր լինի այդ բառերի կողքի գրած թիվը, այնքան ավելի որակյալ է այն: Իսկ թիվը կարող  է տատանվել 13-80-ի սահմանում:

Հաճախ կանայք սխալ են ընտրում նաև զուգագուլպայի չափսը` շփոթվելով  S-M-L-XL տառերի ընտրության հարցում: Եվ այսպես` S (small)  — նշանակում է փոքր, M (middle)  —նշանակում է միջին, L (large)  —նշանակում է մեծ, XL (extra large)  — նշանակում է շատ մեծ:

Զուգագուլպաները պետք է լվանալ ամեն անգամ կրելուց հետո, ցանկալի է՝ ձեռքով: Եթե նախընտրում ենք ավտոմատ լվացքը, ապա զուգագուլպաները դրեք հատուկ պարկերի մեջ և նոր միայն լվացեք:

 Աղբյուր` LADYNEWS.am