Հետաքրքիր Փաստեր Четверг, 01.10.2020, 23:24
Приветствую Вас Гость | RSS
Меню сайта

Հետաքրքիր Փաստեր

Դպրոցահասակ Անջելինա Ջոլին (լուսանկարներ)

Ինչո՞ւ են կանայք ավելի բարոյական, քան տղամարդիկ. հետազոտություն

Լիլիթ Հովհաննիսյանը պատասխանում է մեղադրանքներին

[Անիմացիա]
Жми КЛАСС

Յասիր Արաֆաթի հագուստի ու անձնական իրերի վրա հայտնաբերվել են պոլոնիումի հետքեր

Իսպանիա-Իտալիա՝ հուլիսի 1-ին

[Անիմացիա]
Սեղմիր Класс

Սեքսուալությունն աճում է տարիքին զուգահեռ

[Անիմացիա]
Սեղմիր Класс

Նոր մանրամասներ Ժաննա Ֆրիսկեի կյանքից

Սեքս-ինդուստրիայի աշխատակիցների մուտքը Կանադա արգելել են

95 տարեկանում մահացել է ամերիկացի օսկարակիր Էռնեստ Բորգնայնը

Նկարահանվում է «Կովկասի գերուհին 2»-ը

Պանդաների ձագերը սահում են բլրակից

Գաղտնիքներ պահելը ֆիզիկապես ծանր է

Համբույրի 9 կանոնները

Ամուսնության մասին երազող հրեուհիները թողնում են իրենց կիսավարտիքը ռաբբիի գերեզմանին

Հոգեբանները պարզել են լավագույն վայրը ծանոթություններ հաստատելու համար

Չինարեն սովորելու համար օնլայն էրոտիկ դպրոց է բացվել (տեսանյութ)

Поиск

Главная » 2013 » Մայիսի » 30 » Վահեն սեռափոխված «Նիկան» է, որին սեքսի համար էին այցելել, բայց ավազակային հարձակման էին ենթարկել
17:47
Վահեն սեռափոխված «Նիկան» է, որին սեքսի համար էին այցելել, բայց ավազակային հարձակման էին ենթարկել
Վերաքննիչ քրեական դատարանում այսօր կայացավ Նարեկ Գյոզալյանի և Ռոբերտ Անանյանի գործով պաշտպանական կողմի բերած վերաքննիչ բողոքների քննության հերթական դատական նիստը: 

Գործը որոշակի հետաքրքրություն էր առաջացրել: Համընդհանուր ուշադրության կենտրոնում տուժողն էր: Վահե անունով տուժողը դժվար թե դատական երկրորդ ատյանում այդպիսի եռուզեռի պատճառ դառնար, եթե նրա մականունը «Նիկա» չլիներ, ու նա... աղջկա տեսքով նախկին տղա չլիներ: 

Այո, մեզանում դեռ «էկզոտիկ» է սեռափոխված անձ տեսնելը, առավել ևս նրա հետ նույն դահլիճում գտնվելն ու նրա ազատ պահվածքը տեսնելը: Բայց ինքը՝ «Նիկան», առանձնապես չէր բարդույթավորվում: Նա ընկերուհու հետ ուրախ քննարկում էր շուրջը տեղի ունեցողը: Դռնփակ նիստ անելու միջնորդություն էլ չներկայացրեց: Թաքնվելու կամ անհարմար զգալու պատճառներ չէր տեսնում:

Գործով երկու ամբաստանյալները Կենտրոն և Նորք-Մարաշ վարչական շրջանների ընդհանուր իրավասության դատարանի դատավճռով մեղավոր են ճանաչվել ու դատապարտվել «Նիկայի» վրա ավազակային հարձակում գործելու համար: 

Դատարանը հաստատված է գնահատել, որ Ռոբերտ Անանյանը «Օդնոկլասնիկի» սոցիալական կայքի միջոցով ծանոթացել է տուժողի հետ. վերջինս, ըստ դատական ակտի, արական սեռի անձնավորություն է եղել, փոխել է սեռական կողմնորոշումը, «նմանվել իգական սեռի»: Նրան դիմել են «Նիկա» անունով: Նա զբաղվել է վճարովի սեքսով կամ, այսպես ասած՝ հնագույն մասնագիտությամբ:

Ռոբերտի ընկեր Նարեկ Գյոզալյանը, Ռուսաստանից Հայաստան ժամանելով, ընկերոջը պատմել է, որ գումարային խնդիրներ ունի: Ռոբերտն էլ իր հերթին պատմել է սեռափոխված «Նիկայի» մասին:

Նարեկ Գյոզալյանն առաջարկել է գնալ «Նիկայի» տուն և հափշտակել նրա գումարները:

Ընկերները զանգահարել են տուժողին, ներկայացել որպես հին ծանոթներ և առաջարկել սեռական հարաբերություններ ունենալու նպատակով հանդիպել:

«Նիկան» ընդունել է առաջարկը և նրանց հրավիրել իր բնակարան:

Մինչ «Նիկայի» տուն գնալը Նարեկն ու Ռոբերտը խանութից գնել են իրական ատրճանակի նման կրակայրիչ ու կպչուն ժապավեն:

2012 թվականի հոկտեմբերի 17-ին, ժամը 19-ի սահմաններում նրանք գնացել են «Նիկայի» բնակարան:

Նարեկը ատրճանակի նման կրակայրիչը պահել է «Նիկայի» ուղղությամբ, ապա կրակայրիչի բռնակով հարվածել նրա գլխին ու գումար պահանջել: «Նիկան» կրակայրիչն ընկալել է որպես իրական ատրճանակ: 

Նարեկն ու Ռոբերտը կպչուն ժապավենով կապել են «Նիկայի» ձեռքերն ու ոտքերը, վերցրել պահարանում դրված գումարը և հեռացել: Հափշտակած գումարը նրանք կիսել են միմյանց միջև:

Նարեկ Գյոզալյանն ու Ռոբերտ Անանյանը մեղադրվել են որպես զենք օգտագործված առարկայի գործադրմամբ տուժողի կյանքի և առողջության համար վտանգավոր բռնություն գործադրելով ու դրա սպառնալիքով հափշտակություն կատարելու համար:

Դատարանը Գյոզալյանին ու Անանյանին մեղավոր է ճանաչել ՀՀ քրեական օրենսգրքի 175 հոդվածի 2-րդ մասի 1-ին, 3-րդ, 4-րդ կետերով: 

Դատարանում Նարեկ Գյոզալյանն իրեն մեղավոր չի ճանաչել: 

Նա ներկայացրել է, թե 2012 թվականի հոկտեմբերի 17-ին ինքն ու Ռոբերտը «Նիկայի» հետ պայմանավորվել են, որ նրա տուն գնան: Մինչ այդ մտել են խանութ, Ռոբերտի համակարգչային սրահի համար գնել են կպչուն ժապավեն: Խանութում տեսել են նաև սպիտակ կրակայրիչ-ատրճանակ, գնել են Ռոբերտի ընկերոջ համար: 

Ռոբերտն ասել է, թե «Նիկան» իրեն 40 հազար դրամ է պարտք՝ չկայացած սեռական հարաբերության համար:

«Նիկայի» տանն իրենք համակարգչով երաժշտություն են լսել, զրուցել, Ռոբերտը «Նիկային» հիշեցրել է 40 հազար դրամ պարտքի մասին, իսկ «Նիկան» ժխտել է այդ փաստը: 

Զրույցի ընթացքում «Նիկան» ասել է, թե ինքը տղա է: Իրենք չեն հավատացել, մտածել են՝ կատակ է անում: 

Ինքը «Նիկային» ի սկզբանե տվել էր 40 հազար դրամ՝ սեռական հարաբերություն ունենալու համար, բայց հետո ասել է, թե չի ցանկանում, պահանջել է վերադարձնել իր գումարը: «Նիկան» չի վերադարձրել: 

Սկսել են վիճել: «Նիկան» սպառնացել է, թե սեղանին դրված շշով կխփի իր գլխին: 

Հետո «Նիկան» իրեն տվել է 80 հազար դրամ, որն ինքն ու Ռոբերտը կիսել են հավասար: Դա իրենց փողն է եղել: Եվ հեռացել են: Իրենք «Նիկային» չեն հարվածել ու չեն կապել: 

Երբ նրա տնից դուրս են եկել, նկատել են, որ տոպրակը՝ կպչուն ժապավենով ու կրակայրիչ-ատրճանակով, թողել են «Նիկայի» տանը:

Դատարանում Ռոբերտ Անանյանը նույնպես իրեն մեղավոր չի ճանաչել: Նրա կարծիքով՝ երբ իրենք գնացել են, «Նիկան» արդեն իսկ եղել է ոչ սթափ վիճակում, նրա սեղանին ալկոհոլային խմիչքների կիսատ շշեր ու բաժակներ են եղել:

«Նիկայի» հետ վիճել են իրենց տված գումարը վերադարձնելու հարցով: Նա վերադարձրել է, իրենք հեռացել են: Ինքը գնացել է ընկերոջ տուն, կրակայրիչի տուփը, չգիտես թե ինչու, դրել է քարի տակ: Երբ ոստիկանների հետ եկել է այդ վայրը, կրակայրիչը տուփի մեջ չի եղել: 

Ինքը ոստիկաններից է իմացել, որ «Նիկան» տղա է, մինչ այդ չի իմացել: 

«Նիկան» կրակայրիչն ընդհանրապես չի տեսել, նրա վրա այն չեն պահել: Իրենք ավազակային հարձակում չեն գործել, իր մոտ եղած ու առգրավված 115 հազար դրամն իր աշխատած գումարն է: Գրպանում չի պահել, որ ընտանիքի անդամները չտեսնեն:

Նախաքննական ցուցմունքում Ռոբերտն ասել է, թե «Օդնոկլասնիկի» կայքի միջոցով ծանոթացել է «Բարբի Նիկա» անունով հանդես եկող աղջկա հետ: Մի անգամ հանդիպման է գնացել նրա տուն, որպես նվեր տարել է փափուկ խաղալիք:

«Նիկան» ասել է, թե ինքը իրականում տղա է եղել, անձնագրով անունը Նիկիտա է եղել, որպես աղջիկ՝ Նիկա է: Նա ասել է, թե արտասահմանում վիրահատման է ենթարկվել, փոխել սեռական օրգանները, այդ թվում՝ կուրծքը: Ասել է, թե վիրահատությունը նոր է կատարել, սեռական օրգաններին ձեռք տալ չի կարելի, առաջարկել է այլ եղանակով հարաբերություններ ունենալ: 

Ինքը չի համաձայնել ու փափուկ խաղալիքը թողնելով՝ հեռացել է:

Նարեկին պատմել է սա՝ որպես ծիծաղելի պատմություն: Նարեկն էլ ասել է, թե գումարային խնդիրներ ունի, կարող են առանց այդ «Նիկային» վնասելու նրա տանից գումար վերցնել: Ասել է, որ վերցրած գումարը կկիսեն: 

Կրակայրիչը գնել են 4500 դրամով, որ վախեցնեն «Նիկային», իսկ կպչուն ժապավենը՝ որ հեռանալուց առաջ կապեն, որպեսզի նա անմիջապես ոստիկանություն զանգել չկարողանա:

Իրենց վերցրած գումարը եղել է 220 հազար դրամ, որից 100 հազարը Նարեկը տվել է իրեն: 

«Նիկան» խնդրել է իր մոտ գումար թողնել: Նարեկը վերցրածից նրան տվել է 5 հազար դրամ:

Նարեկը թաշկինակով սրբել է կրակայրիչը, տվել իրեն ու ասել, որ ճանապարհին մի տեղ գցի: Տուփով այն գցել է ընկերոջ տնից ոչ հեռու՝ ավտոտնակների մոտ: 

Երբ մայրը զանգել ու կանչել է իրեն՝ ինքը տուն գնալուց առաջ մոտի գումարը պահել է շենքի կողքին գտնվող ծառի բնի մեջ: Ընտանիքի անդամներին ոչինչ չի պատմել: Տուժողը հայտնել է, որ երիտասարդներն իր տուն են գնացել սեռական հարաբերություն ունենալու պատրվակով: Բայց իր գլխին պահել են ատրճանակը ու գումար են պահանջել: 

Հարվածել են, ինքը չի դիմադրել: Իր ունեցած գումարը 800 հազար դրամ է եղել: Ինտերնետում իր անունը գրված է «Տրանսեքսուալ Նիկիտա», այսինքն՝ նրանք գիտեին, որ ինքը սեռը փոխած տղա է: 

Ոստիկանությունում իր ունեցած գումարը գրել է 800 հազարից մինչև 1 միլիոն դրամ, որովհետև գումարի չափը հստակ չի հիշել: Իրենից հափշտակված գումարի կեսը՝ 400 հազարը, ամբաստանյալների մայրերի կողմից վերադարձվել է:

Դատարանը, նկատի ունենալով, որ հափշտակված գումարի չափը տարբեր ցուցմունքներում տարբեր է նշվել ինչպես ամբաստանյալների նախաքննական ցուցմունքներում, այնպես էլ հենց տուժողի կողմից, չփարատված կասկածները մեկնաբանել է ամբաստանյալների օգտին ու ամրագրել, որ հափշտակված գումարը եղել է 220 հազար դրամ:

Ավազակային հարձակում կատարելու համար 21-ամյա Նարեկ Գյոզալյանն ու 19-ամյա Ռոբերտ Անանյանը դատապարտվել են 6-ական տարի ազատազրկման: Պատժի սկիզբը՝ 2012 թվականի հոկտեմբերի 18-ից: Առգրավված և իրեղեն ապացույց ճանաչված 115 հազար դրամը կվերադարձվի տուժողին:

Դատավճռի դեմ վերաքննիչ բողոքներ են բերել ամբաստանյալների շահերի պաշտպանները: Նրանք խնդրել են արդարացնել իրենց պաշտպանյալներին, իսկ նրանց կատարած հանցանքը հաստատված գնահատելու դեպքում օրենքով նախատեսվածից ավելի մեղմ պատիժ սահմանել կամ պայմանական դատապարտություն կիրառել ու փորձաշրջան նշանակել:

Այսօր դատարան չէր ներկայացել պաշտպան Քամալյանը: Նախագահողի հարցին՝ ո՞վ է տուժող Վահե Ս.-ն, կանգնեց աղջկա արտաքինով տուժողը: Ընդ որում՝ նա դատարան մուտք գործելիս էլ ասել էր, թե անձնագիր չունի, չի կարող ներկայացնել: 

Նախագահողը, տուժողի տեսքի ու անունի անհամապատասխանությունից փոքր-ինչ շփոթվեց ու հարցրեց. «Իսկ ձեր մականո՞ւնն ինչ է»: 

«Նիկա»,- մասնագիտական ժպիտով ու թավ ձայնով պատասխանեց տուժողը: 

Երբ ամբաստանյալ երիտասարդները մուտք գործեցին դահլիճ, «Նիկան» նայեց հետևի շարքում նստած ընկերուհուն ու ասաց. «Յախկ»: Այնուհետև նախագահողի հարցին ի պատասխան «Նիկան» դժգոհեց, որ դատական նիստը կարող է հետաձգվել: «Ես շատ գործեր ունեմ, իսկ ինձ անընդհատ կանչում են, հարցեր են տալիս: Ես չեմ ուզում, որ նիստը հետաձգվի: Ես երեք օրից երկրից գնալու եմ, հաջորդ նիստին չեմ կարող մասնակցել»:

Դատարանի հարցերին «Նիկան» պատասխանեց, թե ամբաստանյալների վերաքննիչ բողոքներին ծանոթ չէ, չի էլ ուզում ծանոթանալ: Նա հայտնեց, թե երիտասարդները զանգել էին իրեն, իր թույլտվությունը ստացել ու եկել էին իր տուն: «Նվեր պիտի տային, հետո էլ՝ սեքս էր լինելու»: «Ի՞նչ գումարով էիք համաձայնության եկել, ինչքա՞ն պիտի տային»,- հարցրեց դատավորը: «Նրանք եկել էին ոչ թե գումար տալու, ոչ թե սեքսի, այլ իմ գումարը տանելու համար»: 

«Նիկան» պնդեց, թե իրենից հափշտակել են 800 հազար դրամ: Ինքը վախեցել է՝ նրանց ձեռքի զենքը տեսնելով: «Ինչի՞ նման էր այդ զենքը»,-հարցրեց դատարանը: «Կինոներում տեսածս զենքերին»: «Ի՞նչ զենքի, ատրճանակի՞»: «Չգիտեմ...»: «Պիստալետի՞»: «Հա, հենց դրան, այ էսքան էր: Ինձ ասին՝ իմ սեղանին դրված վիսկիի շշով կխփեն, գլուխս կջարդեն, եթե փողերս չտամ»:

Այնուամենայնիվ, տուժողը ի վերջո համաձայնեց մեկ անգամ էլ դատարան գալ ու խոստացավ ներկա գտնվել նաև հաջորդ դատական նիստին: 

Նա անկաշկանդ, բազում հետաքրքրասերների հայացքներից բոլորվին չընկճվելով՝ ընկերուհու հետ ասել-խոսելով հեռացավ դահլիճից:

Լուսանկարում պատկերված է նյութի հետ առնչություն չունեցող անձ:
Просмотров: 536 | Добавил: Admin | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Նկարներ

Copyright MyCorp © 2020