Հետաքրքիր Փաստեր Четверг, 24.09.2020, 18:33
Приветствую Вас Гость | RSS
Меню сайта

Հետաքրքիր Փաստեր

Դպրոցահասակ Անջելինա Ջոլին (լուսանկարներ)

Հղի կինը ընկել է խոհանոցում և ժամեր անց ծննդաբերել է

ԱՄՆ-ում շոգը սկսել է նահանջել

Աշխարհի ամենասեքսուալ բուսակերները` ըստ “PETA”-ի /ֆոտո/

Պարուհի Մագայի մահվան պատճառ դարձած ոչ սթափ վարորդը կալանավորված է

Փոքրիկը վերակենդանացել է սեփական թաղման ժամանակ

[Անիմացիա]
Սեղմիր Клас

Երեխաներին սպանած մայրը ձեւացրել է, թե ինքնասպանության փորձ է կատարել

Պանդաների ձագերը սահում են բլրակից

Դերասանուհին ամուսնացել է կնոջ հետ

[Անիմացիա]
Жми класс!!!

20-ամյա Անահիտը եղբոր բանակի քեֆի օրն ինքնասպանության փորձ է կատարել

Չինաստանում 6.2 կգ-անոց երեխա է ծնվել

Մեծ Բրիտանիայի ու Դանիայի ֆինանսների նախարարները պատահաբար համբուրվել են

Բրիտանուհին 99 մլն-ով ավելի շատ գույն է տեսնում, քան սովորական մարդիկ

Ռոնալդուն ինքնաթիռ է ուղարկել իր սիրելիի հետևից

Կանայք սեքսում առավել ռիսկային են

Անթալիայում ոստիկանությունն ընդհատել է հայազգի երաժշտի համերգը

Սեքսին տանող ամենակարճ ճանապարհը

Поиск

Главная » 2013 » Մայիսի » 9 » Վարդենիսում մայրը փորձել է սպանել 3 և 6-ամյա որդիներին և ինքնասպան լինել
17:00
Վարդենիսում մայրը փորձել է սպանել 3 և 6-ամյա որդիներին և ինքնասպան լինել
Գեղարքունիքի մարզի ընդհանուր իրավասության դատարանում Վահագն Մելիքյանի նախագահությամբ ավարտվել է Քրիստինե Գալստյանի գործի դատավարությունը:

Հոգեպես ու ֆիզիկապես առողջ 25-ամյա Քրիստինեն աննախադեպ արարք է կատարել. նա մկնդեղ է խմեցրել 6 և 3 տարեկան որդիներին, հետո էլ ինքն է խմել՝ ցանկանալով վերջ տալ երեխաների ու իր կյանքին:

Բարեբախտաբար, կատարվածի մասին իմացել են շրջապատի մարդիկ, անմիջապես օգնության են հասել: Երեքի կյանքն էլ փրկվել է:

Ըստ դատավճռի՝ 2012 թվականի հունիսի 13-ին, ժամը 10-ի սահմաններում Քրիստինե Գալստյանը Վարդենիսի անասնաբուժական դեղորայքի առևտրի կետից ձեռք է բերել մկնասպան պատրաստուկ, ինչպես նաև նոր կոշիկներ է գնել երեխաների համար, միգուցե՝ որոշակի արարողությունը նկատի առնելով: 

Նույն օրը, ժամը 13-ն անց 30-ի սահմաններում հոր ընկերոջ տանը կենցաղային պատճառներով իր երկու որդիներին սպանելու դիտավորությամբ նա մկնդեղ է խմեցրել նրանց, պառկեցրել քնելու, ապա ինքն է խմել ու պատրաստվել մահվան: 

Միայն թե կատարածի մասին նա նաև հաղորդագրություն է ուղարկել ամուսնու քրոջը՝ Թամարային. «Թամ ջան մորս լավ կնայես, ես ձեզ սաղիտ շատ սիրում եմ, քուր ջան»: Թամարան անմիջապես զանգահարել է Քրիստինեին: Վերջինս ասել է, թե վիրավորանքների պատճառով երեխաներին դեղ է տվել: 

Թամարան շտապ զանգահարել է այն տան տիրուհուն, որտեղ հյուրընկալվել էին Քրիստինեն ու երեխաները: Նա հայտնել է, թե Քրիստինեն դեղ է տվել երեխաներին, հարկավոր է շտապ օգնել, չթողնել, որ երեխաները քնեն: 

Բնակարանատեր Օֆելյան անմիջապես կանչել է իր հարևանուհուն և զանգել շտապօգնություն: Երեխաներին արթնացրել են: Վեց տարեկան տղան ցույց է տվել, թե մայրն ինչ դեղ է խմեցրել իրենց:

Քրիստինեին ու երեխաներին մկնդեղային թունավորումով տեղափոխել են Վարդենիսի հիվանդանոց, առաջին օգնություն ցույց տվել, այնտեղից էլ տեղափոխել են Երևան՝ նեղ մասնագիտական բուժօգնություն ցույց տալու համար: 

Թունավորվածների առողջությանը հասցվել էր միջին ծանրության վնաս՝ առողջության տևական քայքայումով: Նրանք փրկվել են ժամանակին կազմակերպված որակյալ բուժօգնության շնորհիվ: 

Դատարանում փորձագետը հայտնել է, թե մկնդեղի նույնիսկ 0,1 գրամը մահացու է: 

Քրիստինե Գալստյանին մեղադրանք է առաջադրվել երկու որդիների նկատմամբ սպանության փորձ կատարելու համար՝ ՀՀ քրեական օրենսգրքի 34-104 հոդվածի 2-րդ մասի 1-ին կետով:

Դատարանում Քրիստինե Գալստյանն իրեն լիովին մեղավոր է ճանաչել: Ասել է, թե ամուսնու և սկեսրայրի պատճառով է այդ քայլին գնացել: Նրանք միշտ ճնշել են իրեն: «Ութ տարի ընդհանրապես չի իմացել՝ ամուսնական կյանքն ինչ բան է: Մի օր՝ լավ, մի օր՝ վատ, ապրել են: Ծնվել է առաջնեկը: Երեխային «մեջ բերելով»՝ մտածել է, թե լավ կլինի, բայց վեճերն ու կռիվները եղել են ամեն ամիս, ամեն տարի: Վիճաբանությունները եղել են ֆինանսի հետ կապված, քանի որ իրենց տան մեջ առաջին հարցը եղել է ֆինանսը: Չորս տարվա հարս է եղել, չի իմացել՝ ոսկեղենն ինչ բան է, ոսկեղենը եղել է բանկերում: Իրեն խանդել են, մեղադրել: Հայրական տուն գնացել է վեճ ու կռվով: Ծնվել է երկրորդ զավակը: Սկեսրայրն իրեն անվանել է անբարոյական: Փոքր որդին եղել է երկու տարեկան, ինքը դեղահաբեր է խմել: Սկեսրայրն իրեն մեղավոր է ճանաչել, բայց հինգ րոպե անց դա անցել է, ու ինքը զգացել է, որ դա մեղավորություն չի: Հետո առանձնացել են, գնացել Արթիկ: Ամուսինը խմել է, ինտերնետային ցանցերով շփվել սրա-նրա հետ, վեճերը շատացել են: Երբ իրեն «անբարոյական» անունն են կպցրել, ինքը գնացել է հոր ընկերոջ տուն՝ Ակունք գյուղ: Ամուսինը եղել է Ռուսաստանում: Նրա զանգերի ու անբարո խոսքերի ճնշվածության տակ է այդ քայլին գնացել: Երեխաների հետ գնացել է Վարդենիս, գնել է դեղը, վերադարձել հոր ընկերոջ տուն: Երեխաների քնի ժամին դեղը սկզբում ինքն է խմել: Հետո զանգել է ամուսինը, նորից անբարո խոսքեր է ասել, ինքն էլ մտածել է՝ եթե ինքը չլինի, թող իր երեխաներն էլ չլինեն, ու անգիտակցաբար դեղը խմեցրել է երեխաներին: Մոտ մեկ ժամ անց տիկին Օֆելյան իմացել է, շտապօգնություն կանչել, իրենց տեղափոխել են հիվանդանոց»:

Քրիստինեի ամուսինը՝ տուժող երեխաների օրինական ներկայացուցիչը, դատարանում հայտնել է, թե 2012 թվականի ապրիլի 29-ին մեկնել է Ռուսաստան՝ արտագնա աշխատանքի: Ընտանիքը վարձով ապրել է Արթիկում: Մայիսի 30-ին գումար է ուղարկել, որ Քրիստինեն երեխաներին նորմալ պահի: Իմացել է, որ Քրիստինեն «Օդնոկլասնիկի» կայքով տղամարդկանց հետ է շփվում: Հունիսի 10-ին վերադարձել է Հայաստան: Չի կարողացել գտնել Քրիստինեին ու երեխաներին: Նա իրենց վարձած բնակարանում չի եղել: Հունիսի 13-ին մամուլից տեղեկացել է, որ Ակունք գյուղում նա երեխաներին սպանելու համար մկնդեղ է խմեցրել, հետո ինքն էլ է խմել: 

Ամուսինն հայտնել է նաև, թե ինքը Քրիստինեին չի հայհոյել, չի սպառնացել: Նա դատարանին է ներկայացրել «Օդնոկլասնիկի» կայքի միջոցով Քրիստինեի՝ տարբեր անձանց ուղարկած ու նրանցից ստացած սեռական ու սեքսուալ բնույթի հաղորդագրությունները:

Եթե նրանց տան մեջ «առաջին հարցը ֆինանսը» չլիներ, սոցիալական ցանցով պատահական շփումները չփոխարինեին ամուսնական հարաբերություններին, ամուսինները ոչ թե փոխադարձ վիրավորանքներով, այլ մարդավայել հաղորդակցվեին միմյանց հետ, ամուսինն էլ ընտանքի գլխին լիներ, հնարավոր է, որ Քրիստինեն նման ծայրահեղ արարք չկատարեր:

Ըստ դատահոգեբուժական և դատահոգեբանական համալիր փորձաքննության եզրակացության՝ Քրիստինե Գալստյանը արարքը կատարելու պահին հոգեկան հիվանդությամբ չի տառապել ու չի տառապում, հոգեկան գործունեության ժամանակավոր խանգարումը արտահայտված չի եղել այն աստիճանի, որ Քրիստինեին զրկեր իր գործողությունների համար հաշիվ տալու, դրանք ղեկավարելու հնարավորությունից: 

Քրիստինե Գալստյանը ճանաչվել է մեղսունակ: 

Դեպքի պահին ու դրան նախորդող ժամանակահատվածում նա գտնվել է հոգեկան լարված, բայց ոչ՝ ֆիզիոլոգիական աֆեկտի վիճակում:

Ընդհանուր իրավասության դատարանը երկու երեխաների նկատմամբ մկնդեղով սպանության փորձ կատարելու համար մեղավոր է ճանաչել Քրիստինե Գալստյանին ու դատապարտել 12 տարի ազատազրկման: 

Քրիստինե Գալստյանն արգելանքի տակ է վերցվել դատական նիստի դահլիճում:
1in.am
Просмотров: 376 | Добавил: Admin | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Նկարներ

Copyright MyCorp © 2020