Հետաքրքիր Փաստեր Կիրակի, 15.09.2019, 08:59
Приветствую Вас Гость | RSS
Меню сайта

Հետաքրքիր Փաստեր

[Անիմացիա]
Սեղմիր Класс

Ավստրալուհին լողալով կանցնի Կուբայից Ֆլորիդա 50 ժամում

Տղամարդու մարմնի ամենազգայուն կետը

Սկեսրայրը սպանել է հարսին, հետո ինքն իրեն

Սոբչակին ազատել են աշխատանքից` առանց պատճառաբանության

Հոլիվուդյան աստղ Մեգան Ֆոկսը երկրպագուներին ուրախացրել է` համացանցում տեղադրելով երիտասարդ տարիների լուսանկարները: Նա խոստովանել է` դեռահաս

Ռուս աղջիկները պարում են հայ տղամարդկանց համար եռագույնի ֆոնին /վիդեո/

Ավտոմեքենան դարձել է կենդանաբանական այգու բնակիչ

Արժե՞ արդյոք խոսել սեքսից հետո

Նոր Խարբերդում քրոջը դանակի 20 հարվածով սպանած եղբայրը հայտնաբերվել է

Մարկ Սաղաթելյանը Facebook-ով իր շնորհակալությունն է հայտնել ընտանիքին և ընկերներին

«Եվրո-2012»-ի ամենահետաքրքիր սանրվածքները (լուսանկարներ)

Հայաստանցիները տպավորիչ արդյունքներ են գրանցում պոռնոկայքեր այցելելով

«Անծանոթը» հանրապետությունում սերիալների առաջատարն է ցուցադրության հենց առաջին օրից. «Շանթ» ՀԸ PR մենեջեր

Հոլիվոիդյան ամենագեղեցիկ սիրո պատմություններից մեկն ավարտվեց

Կանայք ավելի շատ են հակված ուժեղ գլխացավեր ունենալու «կանացի» գենի պատճառով

Կրքոտ համբույրով կարելի է այրել 30 կալորիա

Մազահեռացման ո՞ր տարբերակն է նախընտրելի. պայքար անցանկալի մազերի դեմ

иди на ….. . Վահրամ Սահակյանը հայհոյեց

Поиск

Главная » 2013 » Հունիս » 9 » Խարդախություն` նորից «Օդնոկլասնիկի»-ի միջոցով
07:45
Խարդախություն` նորից «Օդնոկլասնիկի»-ի միջոցով
Խարդախություն` նորից «Օդնոկլասնիկի»-ի միջոցով

ՀՀ Արմավիրի մարզի ընդհանուր իրավասության դատարանը՝ դատավոր Վահե Խալաթյանի նախագահությամբ, կայացրել է մեղադրական դատավճիռ հերթական սոցցանցային խարդախության դեպքի գործով:

Այսպես, 2012 թվականի նոյեմբերի 10-ին Ալեն Մանուկյանը համացանցի «Օդնոկլասնիկի» սոցիալական կայքի միջոցով ծանոթացել է Էջմիածին քաղաքի մի բնակչուհու հետ։ Ըստ մեղադրանքի, խարդախության եղանակով առանձնապես խոշոր չափի գումար հափշտակելու նպատակով Ա.Մանուկյանը աղջկան ներկայացել է որպես ԱՄՆ-ում բնակվող մեծահարուստ գործարար, վերջինիս հայտնել, թե իբր կարճ ժամանակով է ՀՀ եկել` ամուսնության նպատակով։ Ընդ որում, իր մտադրությունն ավարտին հասցնելու համար թաքցրել է իր ամուսնացած լինելու և խնամքին երեք երեխա ունենալու հանգամանքը, և աղջկան ընտանիք կազմելու, ամուսնության կեղծ առաջարկ է արել։

Նրա հյուսած ստի սարդոստայնում հայտնվել է ոչ միայն «հարսնացուն», այլ նաև նրա ծնողները, ում նույնպես դստեր «փեսացուն» հավատացրել է, թե, իբր, ԱՄՆ քաղաքացի ու մեծահարուստ գործարար է, ցանկանում է ամուսնանալ իրենց դստեր հետ ու տանել Ամերիկայի Միացյալ Նահանգներ, և որ իբր բացի ԱՄՆ-ում ունեցած բիզնեսից, ինքն Էջմիածին քաղաքի «Զվարթնոց» թաղամասում ունի սեփական բենզալցակայան:

«Խնամիների» մոտ վստահություն ներշնչելու և խաբեությամբ առանձնապես խոշոր չափի գումար հափշտակելու համար ամբաստանյալն ԱՄՆ տեղափոխվելու փաստաթղթերը ձևակերպելու պատրվակով, աղջկա հետ մի քանի անգամ գնացել է Հայաստանի Հանրապետությունում Ամերիկայի Միացյալ Նահանգների դեսպանատուն, որտեղ, աղջկան միայնակ դրսում թողնելով, կեղծ պատրվակով, միայնակ մուտք է գործել դեսպանատան տարածք, ապա այնտեղից դուրս գալով, նրան հայտնել, որ ԱՄՆ մեկնելու թույլտվության փաստաթղթերի ձևակերպումը ստացվում է, ապա մասնագիտացված թարգմանչական գրասենյակում անգլերեն թարգմանության են ներկայացրել աղջկա ծննդյան վկայականը, ԱՄՆ դեսպանատան համապատասխան կայքում տվյալներ լրացրել, որից հետո ամրագրել են Մոսկվա և Լոս-Անջելես մեկնելու ավիատոմսեր։

Նույն ժամանակահատվածում Ա.Մանուկյանը «հարսնացուին» տարել է Էջմիածնի ՔԿԱԳ բաժին` իբր իրենց ամուսնությունը գրանցելու համար դիմում լրացնելու, ընդ որում, ամուսնության գրանցման դիմումը տեղում չի լրացրել, այլ վերցնելով տարել է աղջկա տուն, որպեսզի նրա ծնողները նույնպես տեսնեն, թե ինչպես են իրենք դա լրացնում: Խաբելով, թե իրենց ամուսնության գրանցումը արդեն կատարվել է ՔԿԱԳ մարմնում և իրենք ամուսիններ են, սեռական հարաբերություն է ունեցել վերջինիս հետ՝ իրենից հոգեբանական կախվածություն առաջացնելու համար:

Ալեն Մանուկյանը, խարդախության եղանակով, կեղծ պատրվակներով՝ իբր ԱՄՆ մեկնելու փաստաթղթերի հարցը լուծելու, ԱՄՆ դեսպանատանն անհրաժեշտ մուծում կատարելու, ԱՄՆ մեկնելու տոմսեր գնելու, նշանադրության միջոցառումը նշելու և այլնի համար աղջկանից 2012 թվականի նոյեմբերի 10-ից մինչև 2012 թվականի նոյեմբերի 18-ն ընկած ժամանակահատվածում, մեկ միասնական դիտավորությամբ, հափշտակել է 2.118.376 ՀՀ դրամին համարժեք 5.200 ԱՄՆ դոլար, 114.109,6 դրամին համարժեք 220 Եվրո և 1.100.000 ՀՀ դրամ կանխիկ գումար` տուժողին պատճառելով առանձնապես խոշոր չափի` 3.332.485,6 ՀՀ դրամի գույքային վնաս։

Ա.Մանուկյանը որոշել է հնարավորության սահմաններում աղջկանից նույն եղանակով ևս 1.000 ԱՄՆ դոլար հափշտակել, աղջիկը խոստացել է այն հայթայթել քրոջ ամուսնուց, որը մերժել է նրա խնդրանքը։ Ըստ մեղադրանքի, Ալեն Մանուկյանը հասկանալով, որ իր վերջին փորձը եղել է ճակատագրական, նեղացած է ձևացել, հայտնել է, որ իրենց Մոսկվա մեկնելու չվերթը կրկին հետաձգել է ու անջատելով հեռախոսը` անհետացել։ Իսկ աղջիկը որոշել է տեղեկություններ հավաքել «փեսացուի» մասին, բենզալցակայանում տեղեկացել, որ տվյալ բենզալցակայանը պատկանում է մեկ այլ անձի, իսկ Ալեն Մանուկյանն այնտեղ միայն հասարակ լիցքավորող է աշխատել, այն էլ փորձաշրջանով։ Տեղեկացել է նաև, որ Ալեն Մանուկյանն ամուսնացած է, ունի 3 երեխա և բնակվում է Էջմիածին քաղաքի «Արագած» զանգվածում։ Այդժամ, նոր միայն, աղջիկը հասկացել է, որ խաբվել է Ալեն Մանուկյանի կողմից և անմիջապես դիմել է Հայաստանի Հանրապետության Ոստիկանության Վաղարշապատի բաժին։

Մեղսագրվող արարքների համար Ալեն Մանուկյանին մեղադրանք է առաջադրվել Հայաստանի Հանրապետության Քրեական օրենսգրքի 178-րդ հոդվածի 3-րդ մասի 1-ին կետով և 34 -178 հոդվածի 1-ին մասով՝ առանձնապես խոշոր չափերով խարդախություն և խարդախության փորձ։

Ամբաստանյալ Ալեն Մանուկյանը դատարանում հայտնել է, որ ծանոթության նպատակը եղել է Հայաստանի Հանրապետությունից գնալը, ամուսնանալը, աղջիկն իրեն գումար տվել է վերադարձնելու պայմանով և ոչ այդքան՝ 2900 դոլար, իսկ 1000-ը միասին են ծախսել` «Մոցարտ» ռեստորանում, «Մշո Ամրոց» հյուրանոցային համալիրում և այլ վայրերում։ Ամբաստանյալը հայտարարել է, որ աղջիկը գիտեր, որ ինքը ընտանիք ունի` կին, երեխաներ։ Ինքն իրեն մեղավոր է ճանաչում, որ գումար է վերցրել և շփվել աղջկա հետ, եթե դատարանը գտնի, որ ինքը հանցանք է կատարել, կկրի իր պատիժը, կհատուցի վնասը, այդպես ստացվել է, ներողություն է խնդրում։

Դատարանը, սակայն, գտել է, որ ամբաստանյալ Ալեն Մանուկյանի կողմից կատարած հանցավոր արարքները և նրա մեղավորությունն իրեն մեղսագրված հանցագործությունները կատարելու մեջ հիմնավորվել են, իսկ նրա պատճառաբանությունները հերքվել:

Դատարանն ամբաստանյալ Ալեն Մանուկյանին մեղավոր է ճանաչել Հայաստանի Հանրապետության Քրեական օրենսգրքի 178-րդ հոդվածի 3-րդ մասի 1-ին կետով և 34-178-րդ հոդվածի 1-ին մասով նախատեսված հանցագործությունների կատարման մեջ։ Հանցանքների համակցությամբ, ազատազրկման ձևով նշանակված պատիժները լրիվ գումարելու սկզբունքով, Ալեն Մանուկյանի նկատմամբ վերջնական պատիժ է նշանակվել ազատազրկում 7 տարի ժամկետով՝ առանց գույքի բռնագրավման։ Մայիսի 31-ի դատավճռով տուժողի կողմից ներկայացված քաղաքացիական հայցը բավարարվել է ամբողջությամբ՝ Ա. Մանուկյանից հօգուտ տուժողի պետք է բռնագանձվի 3.338.485 ՀՀ դրամ, որպես հանցագործությամբ տուժողին պատճառված նյութական վնասի հատուցում։

Պատիժ նշանակելիս, դատարանն ամբաստանյալ Ալեն Մանուկյանի պատասխանատվությունը և պատիժը մեղմացնող հանգամանք է դիտել այն, որ խնամքին են երեք` մինչև տասնչորս տարեկան անչափահաս երեխաները, չաշխատող կինը։ Ամբաստանյալ Ալեն Մանուկյանի պատասխանատվությունը և պատիժը ծանրացնող հանգամանք դատարանը դիտել է հանցագործությունների վտանգավոր ռեցիդիվը։

Հայաստանի Հանրապետության Քրեական օրենսգրքի 178 հոդվածի 2-րդ մասի 2-րդ կետով հարուցված քրեական գործով 08.04.2010թ. Երևանի Էրեբունի և Նուբարաշեն վարչական շրջանների ընդհանուր իրավասության դատարանի կողմից կայացված դատավճռով նա դատապարտվել էր երեք տարի վեց ամիս ժամանակով ազատազրկման։ Ա.Մանուկյանը 2011 թվականի հուլիսի 7-ին համաներման ակտի կիրառման արդյունքում ազատվել էր պատժի հետագա կրումից ու դատվածությունը դեռևս չմարված, ըստ նոր դատավճռի, կրկին կատարել խարդախություն, հայտնում է «Փաստինֆոն»:

Slaq.am - Լրատվական աղբյուր

 
Просмотров: 400 | Добавил: Stepan | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Նկարներ

Copyright MyCorp © 2019