Երկար համատեղ կյանքից հետո Ձեր ամուսինը կարող է կորցնել Ձեր հանդեպ հետաքրքրությունը: Իսկ հանձնվել պետք չէ, քանի որ այն ոչ հեշտությամբ, բայց կարելի է վերադարձնել: Փորձառու սեքսոլոգները վստահեցնում են, որ համատեղ կյանքի յուրաքանչյուր փուլում Դուք կարող եք վառել նրա մեջ նոր կրակ:

Նախևառաջ հիշեք, որ տղամարդուն պետք է գայթակղել ամեն օր, ամեն վայրկյան: Իսկ ավելի լավ կանեք' այն Ձեր սիրելի հոբբին դարձնեք: Եթե ամուսնական կյանքի ինտիմությունը թողնենք բախտի քմահաճույքին, ապա սեքսը նույնպես վաղ թե ուշ կձախողվի: Պետք է անդադար աշխատեք ինքներդ Ձեզ վրա: Մի զլացեք խնամել Ձեր մարմինը, զբաղվել յոգայով, օգտագործել օգտակար դիմակներ, ինքնակատարելագործվել ամեն օր:

Սեքսի ազդեցությունն ընդհանրապես շատ ուժեղ է տղամարդկանց վրա: Իզուր չեն ասում, որ խելացի կանայք իրենց բոլոր խնդիրներն ամուսնու հետ լուծում են անկողնում: Եթե Ձեր սեռական հարաբերություններն անհանգստության առիթ են տալիս, ապա սթափվելու ժամանակն է: Ազատվեք վերջապես հին գիշերանոցներից և գիշերային խալաթներից: Գնեք Ձեզ համար նոր ներքնազգեստ' վառ ու արտահայտիչ, որպեսզի այն իրեն նկատել տա թափանցիկ վերնաշապիկի տակից: Բայց ամեն դեպքում պետք չէ ծայրահեղության մեջ ընկնել, այլապես ճիշտ հակառակ արդյունքին կհասնեք՝ դառնալով նրա համար ծիծաղելի: Ավելի լավ է, արեք դա այնպես, որ նա աստիճանաբար սկսի նորովի տեսնել Ձեզ, նկատել Ձեր սեքսուալությունը:

Ազատվեք՝ 1. Դեղամիջոցներից:. անընդհատ բուժվող կինը միայն խղճահարություն է առաջացնում, այնպես որ հեռու տեղում պահեք Ձեր «դեղատունը»: 2. Հին օծանելիքից:. դրանք կարող եք թողնել աշխատանքի կամ տնից դուրս գալու համար, իսկ ննջասենյակում Ձեր բույրը պետք է միանգամայն տարբեր լինի' ձգող և խելքահան անող: Աշխատեք ընտրել այնպիսի բուրմունք, որը համապատասխանում է Ձեր ամուսնու ճաշակին: 

Տղամարդուն գայթակղելու ամենատարբեր միջոցներից մեկն էլ սա է: Ձեր ամուսնու հետ հաճախ հյուր գնացեք: Գնացեք ընկերների տուն, ռեստորան կամ ուղղակի զբոսնելու: Մինչև տնից դուրս գալը լավ պատրաստվեք' հաշվի առնելով յուրաքանչյուր դետալ: Եթե Ձեր արտաքինն անթերի լինի, ապա բարձր տրամադրությունը երաշխավորված է: Իսկ բարձր տրամադրությամբ կինը զինված է այնպիսի սեքսուալությամբ, որ կարող է իր կամքին ենթարկել յուրաքանչյուր տղամարդու: Թող Ձեր ամուսինը տեսնի, թե ինչ կին է իր կողքին, և ինչպիսի հիացած հայացքներ են ամենուրեք հետևում Ձեզ: Այս մեթոդն իսկապես արդյունավետ է: Այն տղամարդու մեջ արթնացնում է սեփականության զգացումը, որը պարտավորեցնում է Ձեզ իր կողքին պահել: