Ընտանիքների families (FamilyLeaf, MyFamily.com, Rootsy, Origami), հարևանների (Nextdoor) կամ ընտանիքի և ընկերների ընտրյալ խմբերի (Path) համար ստեղծված սոցիալական ցանցերը մեծ տարածում են գտել վերջին մի քանի տարում: Գնալով ավելի շատ մարդիկ են ցանկանում միայն մտերմիկ շրջանակի հետ կիսել իրենց օնլայն ժամանակը:

FamilyLeaf-ում և փոքր խմբերի համար նախատեսված մյուս սոցիալական ցանցերում օգտատերեը կարող են նկարներով կիսվել և շփվել միայն իրենց կոնտակտների հետ՝ ապահով կերպով պաշտպանված լինելով կոմնակի անձանցից:

«Մեր ակտիվ օգտատերերից շատերը անջատել են Facebook-ի հրապարակային հասանելիությունը, և նրանք օգտագործում են FamilyLeaf-ը, քանի որ այն միայն ընտանիքի համար է նախատեսված»,- նշում է ցանցի համահիմնադիր Ajay Mehta-ն:

Ցանցի տերերը կարծում են, որ Facebook-ում գրանցվող ավելի մեծահասակ անձինք հաշիվը ստեղծում են միայն ընտանիքի անդամների համար, և նրանք չենք հասկանում, թե ինչու երիտասարդները հաճախ նախընտրում են սահմանափակել ծնողների մուտքն իրենց էջ, անգամ եթե ներառում են նրանց ընկերների ցանկում: Պարունակությունը, որով միևնույն օգտատերերը կիսվում են այս երկու սոց. ցանցերում, միանգամայն այլ է: Օգտատերերը սիրում են FamilyLeaf-ը, քանի որ մենք բոլորս ունենք հուշեր, ֆոտո ալբոմներ և խոսակցություններ, որոնք պետք է ընտանիքի ներսում մնան:

FamilyLeaf-ի մեկ այլ համահիմնադիր Wesley Zhao-ն ասում է, որ այսպիսի կայքերը կարևոր են ընտանեկան շփման ապահովման համար, քանի որ Facebook-ն արգելափակված է իր հայրենի Չինաստանում: FamilyLeaf-ի օգնությամբ, առաջին անգամ շատ տարիների ընթացքում, Չինաստանում ապրող իր ընատնիքը հնարավորություն է ստացել հաղորդակցվել և կապի մեջ մնալ ընտանիքի ամերիկաբնակ անդամների հետ: