Հետաքրքիր Փաստեր Կիրակի, 16.11.2025, 18:39
Главная
Регистрация
Вход
Приветствую Вас Гость | RSS
Меню сайта

Հետաքրքիր Փաստեր

Գեղեցկուհիները տղամարդկանց իմպոտենցիայի են հասցնում

Պյատիգորսկում ձերբակալել են 9-ամյա աղջնակի բռնաբարության եւ սպանության կասկածյալին

Իրինա Շեյքն ու Ռոնալդուն ամուսնանում են

Աստղերը` հղիության շրջանում (ՖՈՏՈ)

Ինչպես ճիշտ խնամել մազերն ամռանը

Երջանիկ լինելու ամենահեշտ միջոցը

Ամերիկացի զույգը 5000 դոլար թեյավճար է թողել մատուցողին

Մանիկյուր եղունգի երկու կողմից. տարածվող թրենդ

Իրանում երկրաշարժի զոհերի թիվը հասել է 87-ի. կա մոտ 400 վիրավոր (թարմացվում է)

Կարիճի խայթոցից հիվանդանոց տեղափոխված երեխան մահացել է

Լիճքում քաղցկեղի պատճառ է խմելու ջուրը

Մելինեի ամուսինը անհիմն խանդել է, ենթարկել ֆիզիկական եւ հոգեբանական բռնության

68 հոթ-դոգ` 10 րոպեում

Նորություն Սիրուշոյից /վիդեո/

Հայաստանում նվազագույն սպառողական զամբյուղը պակասել է

ՄԱԴՈՆՆԱՅԻ ՀԵՐԹԱԿԱՆ ՁԱԽՈՂՈԻՄԸ

Միայնակությունը նվազեցնում է կյանքի տևողությունը. հետազոտություն

Մադոննան ցնցել է երկրպագուներին` բեմի վրա բացելով կուրծքը

Ինչպես ճիշտ զարդեր ընտրել

Поиск
Главная » 2013 » Օգոստոս » 23 » Զինվորն ինքնասպան է եղել՝ չդիմանալով պատվի, արժանապատվության ստորացումներին և բռնություններին
12:53
Զինվորն ինքնասպան է եղել՝ չդիմանալով պատվի, արժանապատվության ստորացումներին և բռնություններին

Սյունիքի մարզի ընդհանուր իրավասության դատարանում ավարտվել է շարքային Էդվարդ Ալլահվերդյանին ինքնասպանության հասցնելու գործի դատական քննությունը:

Այս գործով դատապարտվել են Սահակ Ասիլբեկյանը և Ալիկ Հակոբջանյանը:

Ընդհանուր իրավասության դատարանը հաստատված է գնահատել, որ ջոկի գնդացրորդ, ժամկետային զինծառայող, շարքային Սահակ Ասիլբեկյանը 2011 թվականի հունիսի 17-ից մինչև հուլիսի 29-ը պարբերաբար ստորացրել է շարքային Ալլահվերդյանի պատիվն ու արժանապատվությունը, բռնություն է գործադրել նրա նկատմամբ: 

Լսելով, որ Ալլահվերդյանը մեկ ուրիշին «արա» է ասել, Ասիլբեկյանը միջամտել է, բռունցքով հարվածել ու ապտակել նրան: Այնուհետև պարբերաբար ապտակներ է հասցրել ու ծեծել՝ ստելու, դիրքի դիտակետում քնելու համար, այլևայլ պատրվակներով: Հայհոյանք է տվել նրա ու նրա հարազատների հասցեին, ստորացրել է: Ստիպել է, որ Ալլահվերդյանն իր փոխարեն կատարի մի շարք տնտեսական աշխատանքներ, որոնք իրեն, ըստ երևույթին, վայել չի համարել. ափսեներ լվանալ, զենք մաքրել, տարածքը մաքրել և այլն: 

Իրեն «հեղինակություն» համարող Ասիլբեկյանն աստիճանաբար անցել է այլ ճնշումների. Ալլահվերդյանին սպառնացել է, թե զորամասում բոլոր զինծառայողների ներկայությամբ կանվանարկի նրան, կծեծի և պահանջել է 50 հազար դրամ: 

Ըստ դատական ակտի՝ Էդվարդ Ալլահվերդյանը, չդիմանալով համածառայողի գործադրած ստորացուցիչ հալածանքներին, 2011 թվականի հուլիսի 29-ին, առավոտյան ժամը 6-ն անց 45-ի սահմաններում ինքնասպանություն է գործել՝ իրեն ամրակցված ինքնաձիգով կրակելով իր կզակային շրջանին: Զինվորը տեղում մահացել է՝ հրազենային միջանցիկ վնասվածք ստանալով:

Ալլահվերդյանի ինքնասպանության համար մեղադրանք է առաջադրվել նաև ջոկի հրամանատար, կրտսեր սերժանտ Ալիկ Հակոբջանյանին, ով, ըստ մեղադրանքի, հանդիսանալով դիրքի ավագ, նկատելով, որ իր ենթակա զինծառայող Ասիլբեկյանի փոխարեն տնտեսական աշխատանքները կատարում է նույն դասակի մեկ այլ զինծառայող՝ Ալլահվերդյանը, չի խափանել կարգի խախտումը, միջոցներ չի ձեռնարկել արատավոր երևույթը վերացնելու ուղղությամբ, տեղյակ չի պահել վերադաս հրամանատարությանը, այլ միայն բավարարվել է Ասիլբեկյանին բանավոր դիտողություն անելով:

Բացի դրանից, Հակոբջանյանը, հուլիսի 28-ին, հանդիսանալով դիրքի ավագ, ծառայության նկատմամբ անփույթ վերաբերմունք է դրսևորել. նկատելով, որ Ասիլբեկյանը անպարկեշտ կերպով ստորացնում է Ալլահվերդյանի պատիվն ու արժանապատվությունը, ցուցաբերել է փոքրոգություն, չի խափանել Ասիլբեկյանի գործողությունները, կատարվածի մասին չի զեկուցել վերադաս հրամանատարությանը:

Դատարանում Սահակ Ասիլբեկյանն իրեն մեղավոր չի ճանաչել, հայտարարել է, թե նախաքննական ցուցմունքները տվել է ճնշված վիճակում: Ինքն Ալլահվերդյանի հետ նորմալ հարաբերությունների մեջ է եղել, նրա հետ ընդհանրապես չի վիճել, չի հայհոյել, գումարի վերաբերյալ խոսակցություն չի ունեցել:

Դեպքից հետո կրակոցի ձայնի վրա վազել է դիտակետ, տեսել, որ Ալլահվերդյանը նստած է՝ մեջքը պատին հենած, ինքնաձիգը՝ ոտքերի տակ: Նրա բերանը բաց է եղել, բերանի մեջ արյուն է եղել, ու ինքը հասկացել է, որ Էդվարդն իրեն գլխից խփել է: Վախից լացելով վերադարձել է գետնատնակ: 

Ալիկ Հակոբջանյանը դատարանում իրեն լիովին մեղավոր է ճանաչել: Նա հայտնել է, թե հերթափոխի ընթացքում նկատել է, որ Ալլահվերդյանը Ասիլբեկյանի փոխարեն տնտեսական աշխատանքներ է կատարում: Հարցրել է նրան, թե ինչո՞ւ է Սահակի փոխարեն կատարում այդ աշխատանքները, բայց Էդվարդն ամաչել ու ոչինչ չի պատասխանել: Ինքը Սահակին էլ է հարցրել, վերջինս արհամարհական ձևով պատասխանել է. «Դա քո գործը չի: Որ ես եմ մաքրել տալի, դրա պատասխանը ես եմ տալու»: 

Հուլիսի 28-ին ինքը գետնատնակում քնած է եղել, արթնացել է բարձր ձայներից: Լսել է, որ Սահակը մեկին հայհոյում է. «Ինձ խաբողի...»: Ինքը դուրս է եկել, տեսել է Էդվարդին, ով ընկճված է եղել ու պատմել է, որ Սահակը հայհոյել է իր ընտանիքի անդամներին: Էդվարդը խնդրել է իրեն մենակ թողնել: Ինքը նրան համոզել է, վերադարձրել դիրք, ապա մոտեցել է Սահակին ու ասել. «Որ մարդու հոգեբանություն չգիտես, մի կպի, տենց բաներ մի ասա»: Սահակն էլ պատասխանել է. «Ես գիտեմ, թե ինչ եմ անում, ինձ ուղղություն ցույց մի տուր»:

Հակոբջանյանն ընդունել է, որ երկու դեպքում էլ բանավոր դիտողություն է արել Սահակ Ասիլբեկյանին, բայց նրանից վախենալով՝ այլ բան չի ձեռնարկել:

Ընդհանուր իրավասության դատարանը Սահակ Ասիլբեկյանին դատապարտել է 6 տարի ազատազրկման: Պատժի սկիզբը՝ 2011 թվականի օգոստոսի 9-ից: 

Ալիկ Հակոբջանյանը դատապարտվել է 1 տարի ազատազրկման: Պատժի սկիզբը կհաշվվի նրան փաստացի կալանքի տակ առնելու օրից:

Ընդհանուր իրավասության դատարանի դատավճռի դեմ վերաքննիչ բողոք է բերվել:

1in.am
Просмотров: 502 | Добавил: Stepan | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Նկարներ
Copyright MyCorp © 2025