Պաղեստինի 15-ամյա բնակչուհի Բաշաեր Օտմանը դարձել է աշխարհի ամենաերիտասարդ քաղաքապետը` ստանալով իրավունք ղեկավարել Հորդանան գետի արեւմտյան ափին գտնվող Ալլար վարչական տարածքը, գրում է "Lifenews”-ը:

Դեռահաս աղջնակին նման պատասխանատու  պաշտոնին նշանակելը հանարվոր է դարձել տեղի իշխանությունների ծրագրի շնորհիվ, որը քարոզում է ներգրավել երիտասարդներին տարածաշրջանի քաղաքական կյանքին:

Օտմանին թույլ են տվել կառավարել քաղաքը 2 ամիս ժամանակով: Աղջնակը պատասխանատու կլինի կայացված բոլոր որոշումների համար, իրավասու է բոլոր ստորագրված փաստաթղթերի համար, բացի ֆինանսական թղթերից: Դեռահաս քաղաքապետին կուղղորդի գործող քաղաքապետ Սուֆիան Շադիդը:

Բաշաեր Օտմանը խոստովանել է, որ հարազատ քաղաքը ղեկավարելը մեծ պատիվ է իր համար եւ մարտահրավեր իր հնարավորություններին:

henaran.am