Համոզված եմ, որ նյութը բացելուց հետո ամենաառաջին բանը, որ գրավեց ձեր ուշադրությունը նկարի միջի աղջկա շապիկի խորը բացվածքն էր : Հենց սրա մասին էլ այսօր կխոսենք :
Մենք չենք քննարկելու աղջկա արտաքինը ու հագուստը, հարցին կտանք միքիչ ավելի ընդհանրական բնույթ :
Մտածում էի, որ նման թեմայի մասին գրելը բավականին սխալ ու տհաճ կլինի, բայց ինքս աղջիկ լինելով հանդերձ հասկացա, որ, այնուամենայնիվ, այս մասին խոսել պետք է :
Վերջերս նկատել եմ, որ 16-18 տարեկան աղջիկները սկսել են բավականի սեքսուալ հագնվել ու իրենց հենց հագնվածի նման դրսևորել : Ազդրերը չափից դուրս շատ ընդգծող ջինսե շալվարներ, կիպ ու խորը բացվածքով վերնահագուստ, բավականին վուլգար շպար, մուգ շրթներկ և այլն :

Եվ սա ամենևին տարիքային՝ մեծ երևալու մոլուցք չէ : Աղջիկները ոչ թե մեծ են երևում, այլ վուլգար են : Սրանք տարբեր բաներ են :
Համացանցում տարածված են ֆոտոներ, որտեղ դեռահաս աղջիկները նկարվում են շուրթերն անբնական ուռացրած ու հավաքած : Դրան ՛՛duck face'' ենք ասում : Շատ ֆոտոներում էլ միայն շուրթերն են նկարված : Այդպիսի նկարները արական սեռի ներկայացուցիչներին լիակատար հնարավորություն են տալիս նմանատիպ ֆոտոներով աղջկան ոչ այդքան պարկեշտ կոմպլիմենտներ անել : Եթե ինչ-որ երիտասարդ նման շուրթերով նկար ունեցող աղջկան գրի . ՛՛ի՜նչ լավն են շուրթերդ, կուզեի համբուրել՛՛ , աղջիկը կվրդովվի, կսկսի գոռալ իր բարոյական որակների մասին, կհիշի իր միքանի եղբայրներին , ՛՛ես քո մտածած աղջիկներից չեմ՛՛ :
Հիմա հարց. իմ մտածած աղջիկներն էլ ինչիպիսի՞ն են լինում ))))))
Սիրելի աղջիկներ, եթե որոշում եք սոցցանցեր ներբեռնել ձեր սեքսուալ, կիսաբաց շուրթերը, նկարվում եք կողքանց կքանստած ու շրջազգեստով, ձեր նկարի մեջ ՛՛շատ պատահական՛՛ երևում ու զգացվում է, թե որ համարի կրծքկալ եք կրում, ապա պատրաստ եղեք նաև նրան , որ շատ երիտասարդներից բավականին բաց կոմպլիմենտներ ու առաջարկություններ եք ստանալու : Իսկ ինչու՞ չստանալ : Արական սեռն առանց առիթի նմանատիպ հաճոյախոսություններ կամ առաջարկներ չի անի :
Կամ մեկը արեք, կամ՝ մյուսը : Ձեզ դուր է գալիս տղաներին գերե՞լ : Խնդիր չկա : Սակայն պետք չէ այդ ամենի վրա բարոյականության քող գցել : Դա անբնական ու կեղծ է : Ես չեմ հասկանում այն աղջիկներին, ովքեր էրոտիկ ֆոտոշարքեր են ունենում ու վրդովվում են, երբ իրենց մի քանի խոսք ավել են ասում : Էրոտիկ ֆոտոշարքով աղջկան չես կարող ասել . ՛՛ի՜նչ խորը աչքեր ունես, ժպիտդ գեղեցիկ է ՛՛ , մտքիդ առաջինը գալիս է նրա արտաքինը, դեկոլտեի խորությունն ու ազդրերի գեցեցկությունը :
Եթե այսպիսի պահվածք ունենային հասուն տարիքի աղջիկները՝ ինչ -որ տեղ հասկանալի կլիներ : Բայց նմանատիպ պահվածք են ձեռք բերել անչափահաս աղջիկները. սա ամենացավալին է :
Փողոցում քայլելիս հաճախ կարող ենք նկատել, թե ինչպես են մանկական դեմքով, դեմքներին շպար լղոզած աղջիկները իրենց տարիքին անհամապատասխան սեքսուալ քայլվածքով գնում - գալիս: Եթե նման աղջկան ինչ-որ երիտասարդ մոտենա ու առաջարկի գիշերն ինչ-որ տեղ գնալ՝ աղջիկն էլի կսկսի բարձր բղավել իր բարոյականության մասին : Բայց մի՞թե երիտասարդին մեղադրել է պետք : Նա անում է այն, ինչ թելադրում է աղջկա արտաքինը :
Սիրելի աղջիկներ, պետք է հիասթափեցնեմ ձեզ )))) Կիպ շալվարներն ու էրոտիկ քայլվածքը ձեզ չի փրկի : Բնությունն իրենն անում է : Ինչքան էլ ձեզ մեծ ներկայացնեք՝ ձեր մարմինը հակառակն է խոսում . դեռ ամբողջական չկազմավորված , դեռ քիչ մանկական կոնքերը դուք չեք կարող վերածել կանացի կոնքերի, ինչքան էլ շալվարները կիպ ու ընդգծող լինեն : Ոչ մի բան ձեզ փրկել չի կարող : Տոննաներով շպարը չի կարող թաքցնել ձեր մանկական ժպիտն ու հայացքը : Այդ ամենը փոխվում է տարիքի ընթացքում : Ներեցեք ինձ իհարկե, բայց 16-18 տարեկան աղջիկները, ճիշտ է, ուզում են ընդամենը միքիչ ուշադրության կենտրոնում լինել, սակայն ի վերջո ստանում են էժանագին մարմնավաճառի տեսք :
Ցավոք՝ սա է իրականությունը : Դուք իմ բառերի հաստատումը ձեր կողքին կգտնեք : Նմանատիպ աղջիկներն ամենուր են :
Խնդրում եմ վերանայեք ձեր պահվածքը:
Ու, որպես վերջաբան մի լրացում անեմ:
Սեքսուալ քայլվածքով ու կիսաբաց շուրթերով նկարներով պետք չէ հակառակ սեռին գերել : Նման կերպ դուք նրանց մոտ միմիայն բնազդային, սեռական ցանկություններ կարող եք առաջացնել : Հավատացեք, մանկական հայացքը, անկեղծ, միքիչ միամիտ աչքերը, գեղեցիկ ժպիտն ու անփույթ քայլվածքը շատ ավելին կարող են անել. սա վստահ եմ ասում : Գիտեմ, որ արական սեռն էլ ինձ հետ կհամաձայնի:
Մի ձգտեք դառնալ այն , ինչ չկաք, սիրեք ձեզ այնպիսին, ինչպիսին կաք ու ձեզ ճիշտ մատուցեք : Բնական եղեք. սա է ամենամեծ գեղեցկությունը: