20-ամյա Հ.Կ-ն իրեն կցված ԱԿՄ տեսակի ինքնաձիգով դիտավորությամբ կրակել է  ինքն իր վրա` պատճառելով առողջությանը ծանր վնաս այնուհետեւ մեղադրել ծառայակցին: Եղեգնաձորի ընդհանուր իրավասության դատարանիցNEWS.am-ը տեղեկացավ,որ սույն գործը քննվում է  իրենց մոտ:

20-ամյա Հ.Կ-ին մեղադրանք է առաջադրվել այն բանի համար, որ նա, հանդիսանալով ՀՀ ՊՆ զորամասի պարտադիր ժամկետային զինծառայող` 1-ին մոտոհրաձգային գումարտակի 2-րդ վաշտի 2-րդ դասակի 2-րդ ջոկի հրաձիգ-նռնակաձիգի օգնական, կոչումով` շարքային, զինվորական ծառայության պարտականությունները կրելուց վերջնականապես ազատվելու նպատակով անդամախեղել է իրեն: Այն է` 2011թ. հուլիսի 31-ին, ժամը 08:50-ի սահմաններում, գտնվելով մարտական ծառայության մեջ զորամասի պահպանությանը հանձնված «Մայլիխան»  մարտական հենակետի թիվ 7 դիտակետում, իրեն կցված ԱԿՄ տեսակի ինքնաձիգով դիտավորությամբ ինքն իր վրա է կրակել` պատճառելով առողջությանը ծանր` որովայնի եւ ողնաշարի գնդակային թափանցող միջանցիկ վիրավորման ձեւով մարմնական վնասվածքների պատճառով Հ. Կ-ը ՀՀ ՊՆ կենտրոնական ռազմաբժշկական հանձնաժողովի 19.10.2011թ. թիվ 1910 որոշմամբ ճանաչվել է ոչ պիտանի խաղաղ ժամանակ եւ  զորացրվել ՀՀ ԶՈՒ պահեստազոր:

Բացի այդ Հ.Կ-ը 02.08.2011թ. իր հարցաքննության ժամանակ տեղեկանալով, որ համածառայակից եւ դեպքի պահին իր հետ թիվ 8 դիտակետում մարտական ծառայություն կատարած շարքային Դ.Հ-ը ցուցմունք է տվել իր կողմից ծառայությունից ազատվելու վերաբերյալ արտահայտած մտքերի շուրջ, 26.09.2011թ-ից սկսած առանձնապես ծանր հանցագործության մեջ մեղադրելով կատարել է հանցագործության մասին սուտ մատնություն, այն է` գիտակցելով, որ իր տրամադրած տեղեկատվությունը կեղծ է, սկզբում կատարվող քննչական փորձարարության ժամանակ, ապա հանցագործության մասին գրավոր հաղորդում տալով նշել է, որ իրեն հրազենային մարմնական վնասվածքը պատճառել է Դ. Հ-ը` իր ինքնաձիգից կատարած կրակոցի արդյունքում, իսկ 26.01.2012թ. ցուցմունք է տվել, որ Դ. Հ-նն իրեն կյանքից զրկելու դիտավորությամբ է ինքնաձիգից կրակել իր վրա:

Քրեական գործ է հարուցվել ՀՀ քրեական օրենսգրքի 363-րդ հոդվածի 2-դ մասով եւ 333-րդ հոդվածի 2-րդ մասի 1-ին կետով: Գործը դատարան է ստացվել օգոստոսի 28-ին: