Ամերիկյան Նյու Հեմփշիր նահանգի բնակչուհին 26 ժամվա ընթացքում ձերբակալվել է 4 անգամ:

Առաջին անգամը 53-ամյա Ջոյսի դեմ բողոք են ներկայացրել հարեւանները` օգոստոսի 28-ի ժամը 3-ին, երբ նրա բնակարանից շատ բարձր լսվել են  ”AC/DC” եւ "Guns N’ Roses” խմբերի երգերը: Ոստիկանները սահմանափակվել են զգուշացումով, սակայն մեկ ժամից հարեւանները կրկին բողոք են ներկայացրել, որից հետո ոստիկաններն ստիպված են եղել ձերբակալել կնոջը:

Ջոյսին ազատ են արձակել, սակայն 5 ժամից նրան կրկին ստիպված են եղել ձերբակալել` կրկին հարեւանների դժգոհությունից հետո: Կնոջը  ազատ են արձակել, սակայն օգոստոսի 29-ի կեսգիշերից հետո հարեւանները կրկին խնդրել են ոստիկաններին լուծել հասարակական կարգը խախտող կնոջ հարցերը: Այդ կերպ Ջոյսին բաժանմունք են տարել 3-րդ անգամ:

Ջոյսի դեմ հաջորդ բողոքը ոստիկաններին է հասել օգոստոսի 29-ի ժամը 6-ին: Այս անգամ կինը թավայով հարվածել է զարմիկի գլխին, ով փորձել է տնից տանել իր իրերը: Ըստ ամենայնի` կինը այդ ողջ ընթացքում ալկոհոլի ազդեցության տակ է եղել:

henaran.am