Ինչ հագնել ամանորյա տոներին. այս հարցն արդեն վաղուց տանջում է բոլոր լեդիներին: Ակնհայտ է մի բան, որ պետք է փորձել համադրել աշուն-ձմեռ 2013 հավաքածուների թրենդներն ու նորաձևության աստղերի փորձը: LN-ը կօգնի Ձեզ գտնել ու ճիշտ համադրել այն, ինչ հաճախ կարելի է տեսնել ամսագրերի շապիկներին:

50-ականներն հիշեցնող կարմիր զգեստն այս տարի նույնպիսի must have է, որքան Շանելի փոքրիկ սև զգեստը: Նման զգեստը կարելի է համադրել սև լաքե կոշիկների ու կարմիր կլատչի հետ: Եթե հետաքրքրություն եք ուզում մտցնել, գնեք վառ գույների բիժուտերիա բարոկկո ոճում:

Ամենահամեստ ձևն ունեցող զգեստում անգամ հնարավոր է անչափ էլեգանտ լինել: Խնդիրը ճիշտ համադրելն է: Էմմա Սթոունը, օրինակ, նախապատվությունը հենց պարզությանն է տալիս: Ամենահասարակ զգեստ' համադրված «տարօրինակ» ու չափազանց վառ աքսեսուարներով:

Բորդոն 2013 թ. ձմռան գույներից մեկն է: Ուրեմն ինչու՞ Նոր տարին հենց այդ գույնով չդիմավորել' համադրելով զգեստը սև աքսեսուարների հետ, ինչպես դա արել էր Կիրա Նայթլին:

Ոսկու ու արծաթի փայլը ճիշտ օգտագործելը պրոբլեմային է, բայց մի վախեցեք էքսպերիմենտներից: Օրինակ կծառայի Քեյթ Մոսը, ով հիանալի կարողանում է խաղալ այդ գույների մեջ:

Պաստելային գույները հավերժ նորաձև են: Դրանց միջոցով հեշտ է ռոմանտիկա ստեղծելը: Թող բոլորը մտածեն, թե Դուք հենց նոր դուրս եկաք հեքիաթից: Նման մի կերպար, բայց համեմված քիչ ագրեսիվ շտրիխներով, կերտել էր Ալեքսա Չանգը:

Այս տարի բոլոր աշխարհահռչակ բրենդները, լինի դա Prada-ն, թե Dolce & Gabbana-ն, իրենց հավաքածուներում լուրջ տեղ էին հատկացրել պրինտներին: Հետևեք Սկարլետ Յոհանսոնի կերպարին ու փորձեք համադրել գունային Ձեր պրինտը:

Փայլուն զգեստները, որ պահանջում են լուրջ ուշադրություն աքսեսուարներ համադրելիս, ևս շատ ակտուալ են եկող տարում: Ընտրեք համեստ կլատչ ու բիժուտերիա և հանգիստ կարող եք կրել փայլուն զգեստ, ինչպես դա անում է Ջեսիկա Բիլը:

Հետևելով Պենելոպե Կրուսի օրինակին' շատ հեշտ է հասկանալ, որ խիստ տղամարդկային սկիզբ հիշեցնող դասական պիջակներն ու կոմբինիզոնները ճիշտ համադրելու դեպքում դառնում են անսահման սեքսուալ: Դրանք ուղղակի պետք է համադրել փոքր- ինչ փայլուն ու ավելի խաղարկային իրերի հետ, և ամանորյա կերպարը պատրաստ է:

LADYNEWS.am