Չինացի ընտանեկան զույգի միջև կռիվը ծագել է փողոցում` զբոսանքի ժամանակ: Տեսահսկման սարքերի միջոցով ամրագրվել է, թե ինչպես է բարկացած ամուսինը վերցնում նախապես պատրաստած դյուրավառ նյութն ու լցնում կնոջ վրա:

Կինը, որ դեռևս չէր պատկերացնում, թե ինչ է սպասվում իրեն, ամեն գնով փորձում էր ազատվել զայրացած ամուսնուց:

Թեև անցորդներից մեկն օգնության է հասել զոհին, սակայն չարացած ամուսինը հասցրել է գրպանից հանել կրակայրիչն ու մոտեցնել կնոջը, ինչից հետո դիմել է փախուստի: Կնոջ հագուստն ամբողջությամբ այրվել է:

Դեպքի վայր հասած շտապօգնության աշխատակիցները տուժածին ցուցաբերել են առաջին բուժօգնություն: Ներկայում կնոջ ճակատագիրն անհայտ է: