Պենզայի ոստիկանները «տաք հետքերով» ձերբակալել են տեղացի մի քաղաքացու, ով հասարակական տրանսպորտի կանգառում դանակահարությամբ սպանել է իր կնոջ սիրեկանին, հաղորդում է ՆԳՆ տարածաշրջանի վարչության մամլո ծառայությունը:

Ոստիկանության տվյալներով, նախօրեին, ժամը մոտ 17:00-ին Պենզայի Ժելեզնադորոժնայա շրջանի Լունաչարսկու փողոցի հասարակական տրանսպորտի կանգառում կասկածյալը դանակահարել է մի տղամարդու և դեպքի վայրից փախուստի դիմել՝ «Infinity» ավտոմեքենայով:

Ականատեսները ոստիկանությանը հայտնել են հանցագործի արտաքին նշանները և մեքենայի համարանիշերը:

Պենզայում և քաղաքի մերձակա շրջաններում առանց հապաղելու գործի է դրվել «Խափանում» գործողությունների պլանը: 40 րոպե անց անվտանգության մասնավոր ծառայության աշխատակիցները հայտնաբերել են նկարագրվածին համապատասխան ավտոմեքենան, որի սրահում էլ գտնվել է կասկածյալը՝ Պենզայի 1948թ.-ին ծնված բնակիչը:

Ձերբակալվածը պարզաբանել է, որ ինքը դանակով հարձակվել է 1980 թ.-ին ծնված տղամարդու վրա, նրա հետ մտել վիճաբանության մեջ՝ իր 46-ամյա կնոջ հետ արտամուսնական հարաբերություններ ունենալու պատճառով: