ԱՄՆ Օկլահոմա նահանգում բնակվող Վիշալ Թհաքար անունով ամերիկացի երիտասարդը դարձել է պլաստիկ վիրաբույժի անփութության զոհը: Բժիշկը սխալմամբ հեռացրել է նրա քիթը:

Իսկ ամեն ինչ սկսվել է 2006թ.-ին, երբ նա շատ ծանր ապրումներով արձագանքեց իր կնոջից ամուսնալուծվելու փաստը:

Վիշար Թհաքարը, ի վերջո, որոշեց որ այդ ճգնաժամից դուրս գալու ելքն իր դեմքը պլաստիկ վիրահատությամբ արմատապես փոխելու մեջ է: Եվ կատարեց ճակատագրական որոշում: Նա դիմեց «American Board of Cosmetic Surgery» կլինիկայի Անժելո Քուզալինա անունով առաջատար վիրաբույժին: Սակայն առաջին վիրահատությունից հետո Վիշալը զգաց, որ դժվարությամբ է շնչում:

«Պլաստիկ վիրահատությունից հետո մնացած թերությունները վերացնելու համար ես նրան դիմել եմ 8 անգամ»,- նշել է Վիշալ Թհաքարը:

Սակայն հերթական մի վիրահատությունից հետո նա արթնացավ սարսափելի ցավերով: Պարզվեց, որ այս անգամ բժիշկը հեռացրել է իր քիթը:

Քուզալինան ուշքի եկած հիվանդին բացատրել է, որ տեղի է ունեցել քթի ախտահարում և քանի որ պետք էր արագ գործել, իսկ հիվանդն այն ժամանակ անգիտակից վիճակում էր, կայացրել է ինքնուրույն որոշում և հեռացրել է նրա քիթը:

Ինքը՝ վիրաբույժը, ամեն կերպ ժխտում է իր մեղքը և ամբողջ ուժով փախչում է, երբ նկատում է լրատվամիջոցների ներկայացուցիչներին:

Իսկ Թհաքարը մի քանի ամիս առաջ արդեն վարձել է ամենաառաջատար իրավապաշտպաններին, որպեսզի դատարանում պաշտպանի իր իրավունքները: Նա հուսահատված է և ասում է, որ իր կյանքը փլուզվել է:

«lifenews.ru»-ն հիշեցնում է, որ սա առաջին դեպքը չէ, երբ բժիշկների անփութությունը նրանց հիվանդների համար վերածվում են լուրջ հիմնախնդիրների: Այսպես, 2013թ. ապրիլին Ինդիանա նահանգի Ինդիանապոլիս քաղաքում մի ատամնաբույժ հեռացրել էր իր 21-ամյա հաճախորդի բոլոր ատամները: