ՀՀ քաղաքացիները իրավունք են ստացել ամուսնանալ առանց քաղաքացիական կացության ակտերի գրանցման մարմին (քաղաքացիներին հայտնի է «զագս» անվամբ) այցելելու: ՀՀ կառավարությունը հոկտեմբերի 10-ին որոշում ընդունեց, ըստ որի` 50 հազ. դրամ պետտուրք վճարելու եւ զագսի աշխատակցի ճանապարհածախսը հոգալու դեպքում ամուսնությունը կարելի է գրանցել ցանկացած վայրում` տանը, հանդիսության սրահում, եկեղեցում կամ այլուր:

Զագսից դուրս ամուսնություն կարելի է գրանցել նաեւ, եթե ամուսնացողներից մեկը ծանր հիվանդ է (չի կարող անձամբ ներկայանալ), կամ պատիժ է կրում ազատազրկման վայրում: Այդ դեպքերում պետական տուրք չի պահանջվում: