Մեր հագուստի գունային ընտրությունը մեծապես կախված է տարվա եղանակից: 2012-ի  ամառը դեղին է. չափազանց ակտուալ են այս գույնի բոլոր երանգները, առավելապես՝ արեւային դեղինը:

Դեղինի ոսկեգույն, դարչնագույն, կիտրոնագույն, կանաչավուն երանգները պարզապես սեզոնի թրենդն են. դրանք ասոցացվում են արեւի, բարձր տրամադրության հետ: Հետաքրքիր մի միտում եւս. դեղինի նման վառ երանգները այս սեզոն ճիշտ է համադրել ավելի հանգիստ գույների հետ՝ ստանալով առինքնող ներդաշնակություն:

Դեղինին մեծ նախապատվություն են տալիս այնպիսի նշանավոր մոդելյորներ, ինչպիսիք են  Կարոլինա Հերերան, Վիկտորյա Բեքհեմը, Ռիդ Կրակոֆը, ոմանք էլ այդ գույնի հագուստը համադրում են ոչ պակաս արեւային աքսեսուարների հետ:

Мulberry-ն առաջարկում է դեղինը համադրել շագանակագույնի եւ մոխրագույնի խամրած երանգների հետ:

Դեղին հագուստ կամ աքսեսուարներ ընտրելիս անպայման հաշվի առեք Ձեր մաշկի գույնը: Բաց գույնի  մաշկ ունեցող լեդիներին ավելի շատ սազում են դեղինի տաք երանգները, ասենք՝ բրոնզագույնին մոտ, իսկ ահա թուխ մաշկին ավելի հարմար են կանաչավունն ու վառ դեղինը:

http://ladynews.am