Մոր փորում երեխայի հորանջելու, ինչպես նաեւ զկռտալու, կուլ տալու եւ ձգվելու ունակությունները վակայում են նրա պզիխոֆիզիկական զարգացածության որոշակի մակարդակի մասին, հաղորդում է РИА «Новости» - ը՝ հղում կատարելով բրիտանական PLOS ONE ամսագրին, որում հրատարակվել է Դարեմի եւ Լանկաստերի համալսարանների գիտնականների կատարած հետազոտությունը։

Գիտնականներն ուսումնասիրել են առողջ պտղի 4D ձեւաչափի 15 տեսագրություն՝ պարզելու, արդյո՞ք դեռեւս չծնված փոքրիկը կարողանում է հորանջել, թե պարզապես բացում է բերանը։

Հետազոտությանը մասնակցել են 24-ից 36 շաբաթական հղի կանայք։ Նրանցից 8-ը աղջիկ էին սպասում, 7-ը՝ տղա։ Սահմանված չափանիշներով գիտնականները պարզել են, որ կեսից ավելի դեպքերում պտուղը հորանջելուն նման պարզապես շարժում է շուրթերը, ընդ որում հաճախականությունների տարբերություն աղջիկների ու տղաների միջեւ չի նկատվել։

«Մեր հետազոտության արդյունքները ցույց են տալիս, որ հորանջում է միայն առողջ պտուղը։ Մեր երկարաժամկետ աշխատանքի արդյունքում պարզվել է, որ արգանդում երեխայի «մեծանալուն» զուգընթաց նվազում է հորանջելու հաճախականությունը», - նշում է հոդվածի հեղինակ, դոկտոր Նադյա Ռեյսլանդը։ «Ի տարբերություն մեզ, սաղմը լիաթոք հորանջել չգիտի եւ չի հորանջում այն պատճառով, որ քնել է ուզում։ Հակառակը, հորանջելու հաճախականությունը արգանդում կարող է կապված լինել ներարգանդային զարգացման ընթացքում գլխուղեղի վաղ զարգացման հետ», - կարծում է նա։