2013 թվականի ապրիլի 1-ից «Արմավիա» ավիաընկերությունը որոշում է կայացրել դադարեցնել չվերթները:

«Արմավիա» ավիաընկերությունը ստեղծվել է 1996 թվականին: 2001 թվականից չվերթներ է իրականացրել՝ ունենալով միայն մեկ ինքնաթիռ, 2003 թվականին ավելացել է երեք ինքնաթիռ, 2006 թվականին՝ յոթ ինքնաթիռ, 2007 թվականին՝ 14 ինքնաթիռ:

Իր գործունեության ընթացքում ավիաընկերությունը իրեն դրսևորել է որպես վստահելի գործընկեր՝ իրականացնելով իր պարտականությունները որակյալ և պարտաճանաչ կերպով: 2008 թվականի համաշխարհային տնտեսական և ավիացիոն ճգնաժամը «խորտակեց» մի շարք արտասահմանյան ավիաընկերություններ /այդ ժամանակաշրջանում սնանկացել են Կուբան ավիաընկերությունը, Աէրոսվիթը, RED WINGS ավիաընկերությունը, AMERICAN AIRLINES-ը, Մալև և այլոք:

Ավիացիան՝ դա այն ոլորտն է, որտեղ չի կարելի սահմանափակվել ձեռքբերումներով: Երեք տարիների ընթացքում «Արմավիա» ավիաընկերության սեփականատերը այլ բիզնեսից գումարներ է ներդրել ավիաընկերության զարգացման խթանման համար:

Այնուամենայնիվ, այսօր, իրավիճակը այդպիսին է, որ աշխատանքը շարունակել այս կերպով, հնարավոր չէ, այդ պատճառով որոշում է կայացվել դադարեցնել չվերթները և սկսել սնանկացման ընթացակարգը:

Ավիաընկերությունը շնորհակալություն է հայտնում իր բոլոր ուղևորներին, որոնց հետ նա աշխատել է 12 տարի և նրանց մաղթում հաջողություն:

Հարգանքներով

«Արմավիա»