Ավստրալիայի Նյուկասլ քաղաքի դպրոցներից մեկի աշակերտուհին իրարանցում է առաջացրել ուսուցչուհիների ու համադասարանցիների շրջանում` դասարան նռնակ տանելով:

11-ամյա աղջիկը զենքը դպրոց էր բերել ու ցույց տվել ընկերներին` ներկայացնելով որպես դրամարկղ:

Ուսուցչուհին սարսափել է` տեսնելով ''դրամարկղի'' ոչ սովորական տեսքը: Դեպքի վայր ժամանած ոստիկանները հաստատել են, որ այն իրոք նռնակ է: Դպրոցն արագորեն տարհանվել է:

Աղջիկն ասել է, որ տարիներ շարունակ ''դրամարկղն'' իրենց տանն է եղել. ընտանիքն այն նվեր է ստացել:

Դեպքի առթիվ դպրոցի բոլոր պարապմունքները դադարեցվել են, աշակերտները շտապել են տուն: