Դեպքը տեղի է ունեցել Ավան թաղամասում՝ 2012 թվականի դեկտեմբերի 16-ին։  Ինչպես  տեղեկացել է «Փաստինֆո»գործակալությունը, Գարիկ Կուրդիյանն այդ ընթացքում հյուրընկալել էր իր քեռուն՝ Վանյա Բաղդասարյանին եւ վերջինս ժամանակավորապես բնակություն էր հաստատել նրա տանը։ Դեպքի օրը, ըստ ոստիկանության,  քեռին ու զարմիկը կենցաղային հարցերի շուրջ վիճաբանել են, որի ընթացքում Վ.Բաղդասարյանը խոհանոցից վերցրել է կենցաղային օգտագործման կացին և հարվածել Գարի Կուրդիյանին դիտավորությամբ նրան պատճառելով առողջությանը ծանր վնաս և հեռացել։  

 Նրան մեղադրանք է առաջադրվել ՀՀ քրեական օրենսգրքի 112-րդ հոդվածի 1-ին մասով՝ դիտավորությամբ ծանր մարմնական վնասվածք պատճառելու համար, իսկ կացինը որպես իրեղեն ապացույց կցվել է քրեական գործին։ Ի դեպ, որպես խափանման միջոց ընտրվել է ստորագրություն՝ չհեռանալու մասին։  

 «Փաստինֆո»-ին հայտնի է դարձել, որ գործն արդեն ուղարկվել է դատարան։