Միլանի համալսարանի գիտնականների հնգամյա ծավալուն ուսումնասիրությունները հավանաբար կօգնեն նրանց, ովքեր մինչ օրս համառորեն փորձում են հասկանալ, թե ինչ են ուզում կանայք: Այսպիսով, իտալացի գիտնականները փորձել են պարզել, թե ինչու են կանայք դավաճանում ամուսիններին, եւ երբ են դավաճանելու որոշում կայացնում: Հնգամյա ուսումնասիրություններից հետո միլանցի մասնագետները եկել են այն համոզման, որ կանայք դավաճանում են հինգ հիմնական պատճառով:
Դավաճանության ամենահիմնական պատճառն անտեսված լինելն է: Երբ կինը համոզվում է, որ ամուսնու կողմից մատնված է անտարբերության, նա արդեն այլ զուգընկեր է փնտրում, առաջին հերթին վիրավորված արժանապատվությունը վերականգնելու համար: 
Երկրորդ ամենատարածված պատճառը ամուսնու կողմից դավաճանությունն է: Ընդ որում, կանայք վրեժխնդիր են լինում հատկապես այն դեպքում, երբ իրենց ամուսինները սկսում են չթաքցնել արտաամուսնական կապերը: Գիտնականները պարզել են, որ կանանց նյարդայնացնում է ոչ այնքան դավաճանության փաստը, այլ այն, որ ամուսիններն այդ փաստը չեն փորձում թաքցնել: Ուսումնասիրությանը մասնակցած կանանց 85 տոկոսը շեշտել է, որ իրենք ամուսնուն չեն դավաճանի, եթե վստահ լինեն, որ նրանք ամեն ինչ անում են արտաամուսնական արկածները թաքցնելու համար:
Կանանց դավաճանության երրորդ ամենատարածված պատճառը պահի տակ կայացրած որոշումներն են: Ընդ որում, ուսումնասիրությունները ցույց են տալիս, որ պահի տակ կանայք դավաճանության որոշումներ են կայացնում, երբ այս կամ այն պատճառով գժտված են լինում ամուսինների հետ: Հետաքրքիրն այն է, որ նման արարք թույլ տված կանանց 95 տոկոսը նշել է, թե ափսոսացել են այդ որոշումների համար:
Դավաճանության չորրորդ պատճառը կարեիան է: Կա կանանց տիպ, որոնք իրենց նպատակին հասնելու համար պատրաստ են սեքսով զբաղվել այլ տղամարդկանց հետ: կարիերիստ կանայք ոչ միայն վտանգավոր են հասարակության, այլ նաեւ իրենց ընտանիքիների համար: Միլանցի գիտնականները նշում են, որ այս տիպին պատկանող կանանց գրեթե հարյուր տոկոսը իրենց նման քայլում որեւէ դատապարտելի արարք չեն տեսնում:
Կանանց դավաճանության ամենատարածված հինգերորդ պատճառը ամուսնու հետ սեռական հարաբերությունների բացակայությունն է: Երբ կինը երկար ժամանակ ինչ-ինչ պատճառներով ամուսնու հետ սեքսով չի զբաղվում, նա արդեն ձգտում է արտաամուսնական կապերի:
Առաջիկայում կներկյացնենք այս հարցի վերաբերյալ ամերիկացի գիտնականների ուսումնասիրությունը

top-news.am