Տղամարդիկ ավելի հեշտ են խախտում բարոյականության կանոնները, քան կանայք, երբ առերեսվում են մրցակցությանը, որում առկա ձախողումը կարող է թուլացնել նրանց տղամարդկության զգացումը, - գրում է The Dailymail պարբերականը:

Հետազոտությունները ցույց են տվել, որ տղամարդկանց վարքում առկա անազնվությունը կապված է սոցիալ–մշակութային ենթատեքստի հետ, պնդում է հոգեբանության պրոֆեսոր Սինդի Մեյը:

Հիմնականում սուտը կիրառվում է այն ոլորտներում, որտեղ հաջողությունը ուղղակիորեն ասոցացվում է տղամարդկային ուժի հետ:

Գիտնականները նաև պնդում են, որ տղամարդիկ ավելի են հակված փուչ խոստումների, սաբոտաժի և աղավաղված տեղեկություն տրամադրելուն, քան կանայք:

Այս ամենը մասնավորապես վերաբերում է այն իրավիճակներին, որտեղ առկա է ֆինանսական կարգավիճակի, մասնագիտական դիրքի վտանգը, կամ էլ երբ կպնում են նրա խոցելի տեղերին: