Հանրահայտ ռեժիսորներ, դերասան-դերասանուհիներ, եւ պարզապես կինեմատոգրաֆի լեգենդներ բարձրացան Internationale Filmfestspiele Berlin-ի կարմիր գորգին: Ջեյն Ֆոնդան ու Իզաբելա Ռոսելինին, դերասանուհի Ֆրանցիսկա Պետրին, ռեժիսորներ Քրիստիան Պետցոլդը, Ուլտրիխ Զայդլին, Թոմ Թիքվերն ու այլոք բաց չեն թողել վառ զգեստներով փայլելու հնարավորությունը։ 

Հիշեցնենք, որ Գերմանիայի մայրաքաղաքում մեկնարկել է 63-րդ Բեռլինյան միջազգային կինոփառատոնը։ Բեռլինալեն, ինչպես անվանում են համաշխարհային մասշտաբի այս իրադարձությունը, սկսվել է նաեւ փառատոնը գլխավորող հոնկոնգցի ռեժիսոր Վոնգ Քար-Վայի «Մեծ վարպետը» ֆիլմի ցուցադրումից։

NEWS.am STYLE-ն ավելի վաղ հայտնել էր, որ այդ ամենը տեղի չունեցավ առանց ուկրաինական FEMEN շարժման ակտիվիստուհիների բողոքի։ Ճիշտ է, նրանց չհաջողվեց մեծ ուշադրություն գրավել, քանի որ միջոցառման վայրից՝ Berlinale Palast-ից, հեռու են եղել։