Չինաստանում զինված դեռահասն ութ մարդու է դանակով սպանել, ևս հինգին վիրավորել: Այս մասին այսօր հայտնել է Սինխուա գործակալությունը:

Դեպքը տեղի է ունեցել Ֆուշուն քաղաքում` օգոստոսի 1-ին, տեղի ժամանակով 21:00-ին:

17-ամյա տղան զինված մտել է իր սիրելիի տուն, ում հետ վիճել էր: Կատաղության հողի վրա երիտասարդը սպանել է սիրելիի երկու հարազատներին: Այնուհետ դուրս է եկել փողոց ու դանակով հարվածներ հասցրել պատահական վեց անցորդների, նաև վնասվածքներ պատճառել հինգ մարդու:

Անչափահաս հանցագործը ձերբակալվել է հարձակումներից անմիջապես հետո: Դեպքի այլ մանրամասներ հայտնի չեն:

Ոստիկանությունը հետաքննություն է սկսել:

mamul.am